ۋكراينا پرەزيدەنتى ۆلاديمير زەلەنسكيي حالىق دەپۋتاتتارىن سايلاۋ تۋرالى زاڭ جوباسىن قابىلداماعان جوعارى رادانىڭ شەشىمىنە قاتىستى پىكىر ءبىلدىردى دەپ حابارلايدى Qamshy.kz اقپارات اگەنتتىگى ريا نوۆوستيگە سىلتەمە جاساپ.

"كارى ساياساتكەرلەر ەسكى جۇيەنى تاڭدادى، وسى عانا ولاردىڭ ساياسي ومىرلەرىن ۇزارتۋلارىنا كومەكتەسە الادى"، - دەپ جازدى پرەزيدەنت Facebook پاراقشاسىندا.

سارسەنبى كۇنى وتكەن رادا وتىرىسىندا پرەزيدەنت ۇسىنعان زاڭ جوباسىن 92 دەپۋتات قولداعان. اتالمىش زاڭ جوباسى قابىلدانۋى ءۇشىن كەم دەگەندە 226 داۋىس كەرەك.

ءوزىنىڭ قابىلدانباي قالعان قۇجاتىندا زەلەنسكيي قازىرگى جۇيەنىڭ كەلەڭسىزدىك پەن جەمقورلىق تۋعىزىپ، جاڭا ساياسي كۇشتەردىڭ پارلامەنتكە كەلۋىنە كەدەرگى كەلتىرىپ وتىرعانىن دا جازعان.

"مەن ولاردىڭ قاتەلەسىپ وتىرعاندارىنا سەنىمدىمىن، ءتىپتى ماجوريتارلىق ايماقتاردا دا ەلدى سوزىمەن ەمەس، ىسىمەن وزگەرتۋگە قابىلەتتى جاڭا ساياساتكەرلەردى تاڭدايدى دەگەن ويدامىن"، - دەدى مەملەكەت باسشىسى.

اۋدارعان: داۋرەن سىبانباي