اڭىزعا اينالعان فۋتبولشى ديەگو مارادونا بۋەنوس-ايرەس اۋەجايىندا تۇتقىندالدى دەپ حابارلايدى Qamshy.kz اقپارات اگەنتتىگى Vesti.ru سايتىنىڭ مالىمەتىن نەگىزگە الا وتىرىپ.
ارگەنتينالىق فۋتبولشىنى تۇتقىنداۋعا بۇرىنعى سۇيىكتىسى روسيو وليۆنانىڭ سوتقا جازعان ارىزى سەبەپ بولعان. زارداپ شەگۋشىنىڭ ايتۋىنشا، 58 جاستاعى "جىگىتى" وعان 5،5 ميلليون ەۋرو كولەمىندە اقشا قارىز. وليۆا حانىم ايگىلى فۋتبولشىدان الگى اقشانى ءوندىرىپ الۋ ءۇشىن سوتقا شاعىمدانعان.
ءبىرشاما ۋاقىت پوليسيا بولىمشەسىندە بولعان مارادونا سوت وتىرىسى تۋرالى حابارلامانى العان سوڭ قايتا بوساتىلعان.
اتالمىش ماسەلەگە قاتىستى سوت ءىسى 13-شىلدەگە بەلگىلەندى.
اۋدارعان: داۋرەن سىبانباي
