قىتايداعى قانداسىمىز تاماق جەمەي، تەك سۋدى قورەك ەتىپ 5000 شارشى شاقىرىمدى جاياۋ ءجۇرىپ ءوتۋ ءۇشىن جولعا شىعىپتى دەپ حابارلايدى Qamshy.kz اقپارات اگەنتتىگى.

بۇل تۋرالى ەرلان تولەۋباي فەيسبۋك پاراقشاسىندا جازدى. 

جازباعا سۇيەنسەك، قىتايدىڭ ىلە قازاق اۆتونوميالى وبلىسى، قورعاس اۋدانى، تۇنىق سۋ قالاشىعى، شيچيازى قىستاعىندا 1980 جىلى دۇنيەگە كەلگەن سەرىك زەينەل ۇلى ەسىمدى قانداسىمىز بيىلعى جىلدىڭ 31 ناۋرىزىنان باستاپ تەك سۋدى قورەك ەتىپ، تاماق ىشپەگەن. ءسويتىپ، تاماق ىشپەي 39 كۇن وز-وزىنە سىناق جاساعان. 39 كۇن بويى شيحۋىڭ تاۋلارىنا شىعىپ، ءارتۇرلى جاتتىعۋلار جاساپ، دەنەسىن شىنىقتىرعان.

ەكى اي بويى ءوزىن فيزيكالىق، رۋحاني تۇرعىدا دايىنداعان سەرىك مامىر ايىنىڭ التىسىنان باستاپ "اشتىقتان دۇنيەجۇزىلىك رەكورد جاسايمىن" دەپ جاريالاعان. ءسويتىپ، تارباعاتاي ايماعى شيحۋ قالاسىنان تۋعان-تۋىس، ۇلكەندەردىڭ اق باتاسىن الىپ، شىعىستاعى شاڭحايعا قاراي بەت العان.

مامىر ايىنىڭ 8 كۇنى شيحۋدان اتتانىپ 18 كۇن جول ءجۇرىپ، مامىردىڭ 25 كۇنى شيحۋدان قازىرگى موري قازاق اۆتونوميالى اۋدانى شوقپارتاس قالاشىعىنا دەيىن 700 شارشى شاقىرىم جولدى جاياۋ ءجۇرىپ وتكەن.

تاماق جەمەي، تەك سۋدى قورەك ەتىپ جۇرگەنىنە الپىس كۇندەي بولعان سەرىك زەينەل ۇلى كوزدەگەن مەجەسى شانحايعا دەيىن ءالى شامامەن  4000 شارشى شاقىرىم جول بار.

مۇنداي ساپارعا اتتانعانىنىڭ ەكى سەبەبىن ايتىپ وتكەن. "بىرىنشىدەن، ادامزات تاريحىندا بولماعان رەكورد جاساعىم كەلەدى، ەكىنشىدەن، اباي اتام ايتپاقشى، "مىقتى بولساڭ، ءوزىڭدى جەڭ" دەگەن ءسوزدى ۇران ەتىپ، ءوزىمدى جەڭۋ ءۇشىن دە وسى ساپارعا اتتاندىم" - دەيدى سەرىك زەينەل ۇلى.

ۇسىنعان: ماقپال سەمباي