تيمۋر توقايەۆ 1984 جىلى ماسكەۋدە تۋعان. شۆەيسارياداعى "كوللەدج ديۋ لەمان" جانە ۆەبستەر ۋنيۆەرسيتەتىندە ءبىلىم الدى. ساياسي عىلىمدار كانديداتى. جەنيەۆادا باعاسى 6500 شۆەيسار فرانك تۇراتىن ءوزىنىڭ جەكە پاتەرى بار.
وتكەن جىلدىڭ كۇزىندە رەسەي وڭىرلەرىنىڭ شەنەۋنىكتەرى مەن دەپۋتاتتارىنىڭ زاڭعا قايشى ارەكەتىن زەرتتەگەن ۆولەنتەرلىك انتيكوررۋپسيالىق “پۋتيەۆوديتەل پو جەنيەۆە” جوباسى شىقتى.
جوبا اياسىنداعى تەكسەرىستە Chemin Gilbert-Trolliet 3 مەكەن-جايى بويىنشا تيمۋر توقايەۆتىڭ تۇراتىندىعى انىقتالدى. تەكسەرىس بارىسىندا قازاقستان پرەزيدەنتىنىڭ ۇلى تۇراتىن پاتەر قۇنى ناقتىلانبادى. ءبىراق تەكسەرۋشى تاراپ مۇنىمەن توقتاماي، تيمۋردىڭ كورشىلەرىنىڭ پاتەر باعاسىن انىقتاعان.
ساۋلەتتى ءارى ۇلكەن ۇيدەگى جالعا بەرىلگەن پاتەرلەردىڭ قۇنى بەلگىلى بولعان. 223 شارشىمەتر، 6 بولمەسى بار پاتەرگە 6500 شۆەيسار فرانكىن تولەۋ كەرەك. پاتەردى سىلتەمە بويىنشا كورە الاسىز.
قازىرگى تاڭدا، مۇنداي پاتەر قۇنى – 2،3 ميلليون فرانك تۇرادى. تيمۋر توقايەۆتىڭ كورشىلەرىنىڭ ىشىندە سەمەن ۆينوكۋروۆ دەگەن كىسى تىركەلگەن. ول – 2000 - جىلداردىڭ باسىندا ءوز كاسىبىن دوڭگەلەنتىپ العان ازامات. ۆينوكۋروۆ 1991 جىلى يوسيف كابزون مەن شابتاي كالمانوۆيچ نەگىزىن قالاعان “ليات-ناتالي” كومپانياسىندا جۇمىس ىستەدى. بۇل كومپانيا بىرنەشە رەت ۇلكەن كوررۋپسيالىق داۋلارعا بايلانىستى فبر ء-دىڭ كوزىنە تۇسكەن. ال كالىمانىۆيچتى 2009 جىلى ماسكەۋدە ءولتىرىپ كەتتى. ۆينوكۋروۆتىڭ بالاسى الەكساندر رەسەيدىڭ ءسىم باسشىسى لاۆروۆتىڭ قىزى ەكاتەريناعا ۇيلەنگەن.
تيمۋر توقايەۆتىڭ ءوزى شۆەيساريادا وقىپ، جەناۆاداعى پاتەرىندە تۇرادى. ءبىراق كوپتەگەن ينسايدەرلەردىڭ ايتۋىنشا، ول قازىرگى تاعدا ماسكەۋگە قونىستانىپ، كاسىپكەرلىكپەن اينالىسىپ ءجۇر.
2002 جىلى كامەلەتتىك جاسقا تولعان تيمۋر ءوزىنىڭ تۋىسقانى مۇحاممەد ىزباستينمەن بىرگە “ابي پەتروليۋم كەپيتال” مۇناي كومپانياسىنىڭ نەگىزىن قالادى. كومپانيا ليسەنزيا العاننان كەيىن ولارعا الماتىدا ورنالاسقان ءسىم ەسكى عيماراتى بەرىلدى. ولار اتىراۋ وبلىسىنداعى “گريادوۆوە” مۇناي كەن ورنىن وزدەرىنە قاراتقان. 2012 جىلعى ەسەبىندە اتالعان كاسىپتەن 3،2 ميلليارد دوللار تابىس تاپقانى تۋرالى مالىمەت بار.
جالعىز مۇناي ەمەس، تيمۋر توقايەۆ – “قازاگروفينانس” اتتى كومپانيانىڭ قوجايىنى. ول قازاقستاننىڭ اۋىلشارۋاشىلىق ليزينگ قىزمەتى بويىنشا 68 پايىز ۇلەسىنە يەلىك ەتەدى.
قازىرگى تاڭدا، توقايەۆ پرەزيدەنت قىزمەتىن اتقارىپ جۇرگەندىكتەن، ونىڭ جاسىرىن كاسىپكەرلىگى تۋرالى قىزىعۋشىلىق ارتاتىنى ءسوزسىز. ادال قىزمەت جاساپ، ەلدىڭ مۇددەسىنە جۇمىس ىستەيتىن ازامات بولسىن دەيمىز، پرەزيدەنت ۇلىن.
