قاراعاندىدا 86 كوپبالالى وتباسى قونىس تويىن تويلادى. 30 مامىر كۇنى قالا اكىمى نۇرلان اۋباكىروۆ ولارعا پاتەر كىلتىن تابىس ەتتى دەپ حابارلايدى Qamshy.kz اقپارات اگەنتتىگى. 

بۇل پاتەرلەر قاراعاندىنىڭ وڭتۇستىك-شىعىسىندا بايكەن ءاشىموۆ اتىنداعى جاڭا شاعىناۋداندا سالىنعان ۇيلەردە ورنالاسقان. بولاشاقتا مۇندا قالانىڭ اكىمشىلىك-ىسكەرلىك جانە مادەني ورتالىعى ورنالاسادى. جاڭا شاعىناۋداندا الەۋمەتتىك جانە سپورت نىساندارى، گۇلزارلار، كونسەرت زالى، بالالار مەن جاسوسپىرىمدەر سارايى جانە باسقا دا كوپتەگەن نىسانداردىڭ قۇرىلىسى جوسپارلانعان.

«ءقازىر وبلىس ورتالىعىندا 1500-دەن استام كوپبالالى وتباسى اتاۋلى الەۋمەتتىك كومەك الۋدا. 500-گە جۋىعى جول ءجۇرۋ جەڭىلدىگىمەن قامتاماسىز ەتىلگەن. كوپبالالى اتا-انالارعا بالاباقشادا 50% جەڭىلدىك قاراستىرىلعان. سونىمەن قاتار، ولاردىڭ بالالارى سپورتتىق سەكسيالار مەن ۇيىرمەلەرگە تەگىن بارا الادى.

ال جازدا «ساليۋت» لاگەرىندە دەمالۋعا مۇمكىندىك جاسالعان»، - دەپ اتاپ ءوتتى قاراعاندى قالاسىنىڭ اكىمى نۇرلان اۋباكىروۆ. ەلباسى نۇرسۇلتان ءابىش ۇلى نازاربايەۆتىڭ، ق ر پرەزيدەنتى قاسىم-جومارت توقايەۆتىڭ، قاراعاندى وبلىسىنىڭ اكىمى ەرلان قوشانوۆتىڭ تاپسىرماسى بويىنشا كوپبالالى وتباسىلارعا كەشەندى قولداۋ كورسەتىلۋدە.

ەستەرىڭىزگە سالا كەتەيىك، 1 مامىردا 10 كوپ بالالى وتباسى پاتەر كىلتىنە يە بولعان ەدى. قاراعاندىدا مەملەكەتتىك تۇرعىن ءۇي قورىنان تۇرعىن ءۇي الۋعا 494 وتباسى كەزەكتە تۇر.  

ۇسىنعان: مارجان سابەت