«قازمۇنايگاز» ۇك اق باسقارما ءتوراعاسى اليك ايداربايەۆ ماڭعىستاۋ وبلىسىنداعى قمگ كومپانيالار توبىنىڭ ءبىرقاتار وندىرىستىك كاسىپورىندارىنا باردى.

جۇمىس ساپارىنىڭ العاشقى كۇنى اليك ايداربايەۆ «وزەنمۇنايگاز» اق-عا قاراستى ۇڭعىمالارعا قىزمەت كورسەتۋ باسقارماسىنىڭ ينجەنەرلىك-تەحنيكالىق پەرسونالىنا ارنالعان اكىمشىلىك عيمارات قۇرىلىسىنىڭ بارىسىمەن تانىستى. بۇرىنعى 1972 جىلى سالىنعان عيماراتتىڭ توزىعى جەتىپ، قازىرگى زامان تالاپتارىنا سايكەس كەلمەيدى. نىساننىڭ قۇرىلىسى ومگ قىزمەتكەرلەرىنىڭ ەڭبەك ەتۋ جاعدايلارىن جاقسارتۋ جونىندەگى جوسپاردىڭ ءبىر بولىگى بولىپ تابىلادى.

بۇدان كەيىن ۇلتتىق كومپانيانىڭ باسشىسى كولەمى 20000 م3 بولاتىن تبر-7 اعىندى سۋدى تۇندىرۋ رەزەرۆۋارىنىڭ قۇرىلىس الاڭىن كوردى. ونىڭ پايدالانۋعا بەرىلۋى 2019 جىلدىڭ شىلدە ايىنىڭ سوڭىنا جوسپارلانعان. رەزەرۆۋار وندىرىستىك پروسەستىڭ تيىمدىلىگىن ارتتىرۋعا مۇمكىندىك بەرەدى، ونىڭ ىشىندە اعىندى سۋدى دايىنداۋ ساپاسىن جاقسارتادى، تۇندىرۋ ۋاقىتىن ۇزارتادى جانە مەحانيكالىق قوسپالاردىڭ مولشەرىن ازايتادى.

باسقارما ءتوراعاسى «قازاق گاز وڭدەۋ زاۋىتى» ج ش س، سونداي-اق «ماڭعىستاۋمۇنايگاز» اق-عا بارىپ، وڭىردەگى قمگ توبىنداعى بارلىق ەنشىلەس جانە مۇناي سەرۆيستەرى كاسىپورىندارىنىڭ باسشىلارىمەن جينالىس وتكىزدى. «قازمۇنايگاز» اق باسقارما ءتوراعاسى الەۋمەتتىك تۇراقتىلىق جانە ونەركاسىپتىك قاۋىپسىزدىك، ەڭبەكتى قورعاۋ ەرەجەلەرىنىڭ ساقتالۋى ماسەلەلەرىنە جەتە نازار اۋداردى. ەنشىلەس كومپانيالاردىڭ بارلىق باسشىلارىنا وسى باعىتتاعى جۇمىستى كۇشەيتىپ، ۇجىمداردا ءتۇسىندىرۋ جۇمىستارىن تۇراقتى تۇردە جۇرگىزۋدى تاپسىردى.

«قمگ-دا قاۋىپسىزدىك بويىنشا ءبىرقاتار ەرەجەلەر، راسىمدەر مەن ستاندارتتار ازىرلەندى جانە ەنگىزىلدى. اۋقىمدى جۇمىس اتقارىلدى، ءبىراق بۇنىڭ بارلىعى جەتكىلىكسىز. ءبىز قاۋىپسىزدىك قۇندىلىعى ۇجىمىمىزدىڭ ءاربىر دەڭگەيىندە ەنگىزىلىپ، قمگ نىساندارىندا ەڭبەك ەتەتىن ءاربىر ادامنىڭ اجىراماس بولىگى بولىپ تابىلاتىن ءقاۋىپسىز ەڭبەك ەتۋ مادەنيەتىنە جەتۋ ءۇشىن بار ىنتامىزبەن جۇمىس جاساۋدى جالعاستىراتىن بولامىز»، – دەدى ا. ايداربايەۆ.

سونداي-اق، «قاراجانباسمۇناي» اق مەن «ماڭعىستاۋمۇنايگاز» اق-نىڭ وندىرىستىك جانە الەۋمەتتىك نىساندارىن ارالاپ كوردى.

قاراجانباس كەن ورنىندا قمگ باسشىسى قۇنى 21 ملرد تەڭگەدەن اساتىن سۋ تۇششىتۋ زاۋىت قۇرىلىسىنىڭ جوباسىمەن تانىستى. اتالعان زاۋىت وسى جىلدىڭ جەلتوقسان ايىندا پايدالانۋعا بەرىلەدى دەپ جوسپارلانىپ وتىر. ول كاسىپورىنعا جەكە وندىرىستىك قاجەتتىلىكتەر ءۇشىن سۋدى تۇششىلاندىرۋعا، تۇتىنىپ وتىرعان ەدىلدىڭ سۋ كولەمىن ءوڭىردى دامىتۋعا قوسىمشا پايدالانۋ ءۇشىن مۇمكىندىك بەرىلەدى.

بۇدان كەيىن اليك ايداربايەۆ قالامقاس كەن ورنىنداعى №8237 اپاتتىق ۇڭعىمانى جويۋ جونىندەگى جۇمىس بارىسىن قاداعالاپ، مۇناي دايىنداۋ قوندىرعىسىنىڭ قۇرىلىسىن، سونداي-اق جاڭعىرتۋ جانە كۇردەلى جوندەۋ جۇمىستارى ءجۇرىپ جاتقان اسحانالاردى ارالادى.

بارلىق نىسانداردا ەڭبەك ۇجىمدارىندا كەزدەسۋ ءوتىپ، ول جيىنداردا ا. ايداربايەۆ قىزمەتكەرلەردىڭ بارلىق ۇسىنىس-تىلەكتەرىن مۇقيات تىڭداپ، تولعاندىرعان سۇراقتارىنا جاۋاپ بەردى.