جاڭاوزەن قالاسىندا اشىلاتىن قانت زاۋىتى، مۇناي قالدىقتارىن تاپسىرۋ مەن مۇناي قالدىقتارىن تازالاۋ پۋنكتى جۇزدەگەن جاڭا جۇمىس ورنىن اشۋعا مۇمكىندىك بەرەدى.
جاڭاوزەن قالاسىن دامىتۋدىڭ كەشەندى جوسپارىندا 2019-2025 جىلدار ارالىعىنداعى قاراستىرىلعان ءىس-شارالاردىڭ، ينۆەستيسيالىق جوبالاردىڭ ىسكە اسىرىلۋىنىڭ ناتيجەسىندە 5 606 جاڭا جۇمىس ورىنى قۇرىلىپ، قالانىڭ جۇمىسسىزدىق ماسەلەسى شەشىلەتىن بولادى. بۇل جۇمىس ورىندارى ورتالىق مۇناي تاپسىرۋ پۋنكتىن سالۋ، قانت زاۋىتىن سالۋ، ەلەكتر ەنەرگياسىن وندىرەتىن كاسىپورىن سالۋ، تۇرمىستىق قالدىقتاردى قايتا وڭدەۋ كومبيناتىنىڭ ءوندىرىسىن كەڭەيتۋ، «كوۆوركينگ» ورتالىعىن قۇرۋ ارقىلى جۇزەگە اساتىن بولادى.
بۇل جونىندە وڭىرلىك كوممۋنيكاسيالار قىزمەتى الاڭىندا وتكەن بريفينگتە جاڭاوزەن قالاسىنىڭ اكىمى ادىلبەك داۋىلبايەۆ مالىمدەدى.
-قۇمشەكەر وندىرەتىن زاۋىت سالۋ بويىنشا جەكە ينۆەستورلار – 86،6 ملن.تەڭگە ءبولىپ وتىر. ناتيجەسىندە 48 ادام تۇراقتى جۇمىسقا ورنالاسادى. اتالعان جوبا جىلدىڭ اياعىنا دەيىن ىسكە اسادى دەپ كۇتىلۋدە.
ورتالىق مۇناي تاپسىرۋ پۋنكتىن سالۋ بويىنشا «تەنگە ويل گاز» ج ش س تاراپىنان جۇمىستار جۇرگىزىلۋدە، قۇرىلىستىڭ 1 كەزەڭى اياقتالۋعا جاقىن. جوبا 2020 جىلدىڭ اياعىنا دەيىن اياقتالماق. نەگىزگى قۇرىلاتىن جۇمىس ورنىنا 45 ادامدى تارتۋ جوسپارلانعان. مازۋتتالعان توپىراقتى بيولوگيالىق تازارتۋ بويىنشا «ومگ» اق قاراجاتى ەسەبىنەن 995،0 ملن.تەڭگە قاراستىرىلعان. «تازا سۋ» ج ش س تاراپىنان جۇمىستار باستالىپ، ناتيجەسىندە 54 ازامات جۇمىسقا جولداندى. «قازاق گاز وڭدەۋ زاۋىتىن» جاڭعىرتۋ بويىنشا «قمگ» اق-ى قاراجاتىنان بارلىعى 107،2 ملرد.تەڭگە جوسپارلاندى، ونىڭ ىشىندە 2019 جىلعا – 2،7 ملرد.تەڭگە قاراستىرىلدى. ناتيجەسىندە قالا تۇرعىندارى ۇزدىكسىز تۇراقتى تۇردە گازبەن قامتاماسىز ەتىلەتىن بولادى. جاڭاوزەن قالاسىنداعى قاتتى تۇرمىستىق قالدىقتاردى قايتا وڭدەۋ كومبيناتىنىڭ ءوندىرىسىن كەڭەيتۋ باعىتىندا ينۆەستورلارمەن 130،0 ملن.تەڭگەنى قۇرايتىن كەلىسسوزدەر جۇرگىزىلىپ، وسى جىلدىڭ اياعىندا ىسكە اسىرۋ كوزدەلىپ وتىر، - دەدى قالا اكىمى.
ادىلبەك قۇلىنتاي ۇلىنىڭ مالىمدەۋىنشە، «جاڭاوزەن حالقىنىڭ ءال-اۋقاتىن جاقسارتا وتىرىپ، مۇناي-گاز سالاسى كاسىپورىندارىنىڭ تۇراقتى جۇمىسىن قامتاماسىز ەتۋگە 693 جۇمىس ورنى قۇرىلادى. سونداي-اق، جاڭاوزەن قالاسىندا 350 جاڭا جۇمىس ورىندارى اشىلىپ، جۇمىسسىزدىق ەسەبىندە تۇرعان ازاماتتار ەڭبەكپەن قامتىلدى. جانە دە بيزنەس نەگىزدەرى بويىنشا جىل باسىنان بەرى 46 ادام وقىتىلىپ، سەرتيفيكاتتارىن الدى. وسى ماقساتتا جب-38،5 ملن.تەڭگە ءبولۋ جوسپارلانىپ وتىر. جاڭاوزەن قالاسىنىڭ وندىرىستىك الاڭىن شاعىن جانە ورتا بيزنەس جوبالارىمەن تولتىرۋدى قامتاماسىز ەتۋ بويىنشا مۇلىكتىك نىساندى «كاسپيي» الەۋمەتتىك كاسىپكەرلىك كورپوراسياسىنا بەرۋ جۇمىستارى جۇرگىزىلۋدە. قازىرگى تاڭدا بۇل باعىتتا 37 كاسىپكەردەن ۇسىنىس تۇسكەن. قۇقىقتىق ءتارتىپتى، قوعامدىق قاۋىپسىزدىكتى قامتاماسىز ەتۋ ماقساتىندا كوشەلەردە 68 بۇرىلمالى بەينەباقىلاۋ كامەراسىن ورناتۋ جۇمىستارى باستالىپ، باعانالار ورناتىلۋدا. بۇل ماقساتتا جب-271،0 ملن.تەڭگە ءبولىندى. سونىمەن قاتار، تۇرعىنداردى ساپالى ۇزدىكسىز اۋىز سۋمەن قامتاماسىز ەتۋ ماقساتىندا جاڭاوزەن قالاسىنداعى سۋ تازارتۋ عيماراتىنىڭ قۇرىلىسى اياقتالىپ، پايدالانۋعا بەرىلدى».
سونىمەن قاتار، قالاiشiلىك، «مەرەي» شاعىناۋدانىنىڭ، «بوستاندىق»، «مۇنايلى» شاعىن اۋداندارىنىڭ جانە راحات اۋىلىنىڭ «اقسۋ»، «مەرەي» شاعىناۋداندارىنىڭ اۆتوموبيل جولدارىن سالۋ بويىنشا 4 جوبانى ىسكە اسىرۋعا رەسپۋبليكالىق بيۋدجەت (رب) -809،8 ملن.تەڭگە، جەرگىلىكتى بيۋدجەتتەن (جب) -40،0 ملن.تەڭگە ءبولىنىپ، 2 جوبا بويىنشا كونكۋرستار وتكىزىلىپ، مەردىگەر مەكەمەمەن كەلىسىم-شارت جاساقتالعان.
