مەملەكەت باسشىسى قاسىم-جومارت توقايەۆ ەلباسى نۇرسۇلتان نازاربايەۆپەن اقىلداسۋعا ۇيالمايتىنىن ايتتى دەپ حابارلايدى Qamshy.kz اقپارات اگەنتتىگى Stan.kz سايتىنا سىلتەمە بەرە وتىرىپ.
رەسەيلىك ارناعا بەرگەن سۇحباتىندا قاسىم-جومارت توقايەۆ "قازاقستان پرەزيدەنتى بولۋ قيىن ەمەس پە؟ اسىرەسە، نۇرسۇلتان نازاربايەۆ سەكىلدى كوشباسشىدان سوڭ قيىندىق تۋدىرماي ما؟" دەگەن سۇراققا جاۋاپ بەردى.
"قيىن، ءبىراق باستىسى -جاۋاپكەرشىلىك. سەنىڭ قولىڭدا مەملەكەت تاعدىرى تۇرعانىن تۇسىنەسىڭ. بۇل - ەڭ باستىسى. مۇندايدا مەن نۇرسۇلتان ابىشۇلىمەن اقىلداسا الامىن. ودان كەڭەس سۇراۋعا ۇيالمايمىن. قازاقتىقتىڭ توركىنى سوندا جاتىر دەپ ويلايمىن"، - دەدى توقايەۆ.
ايتا كەتەيىك، ەلىمىزدە 9 ماۋسىم كۇنى كەزەكتەن تىس پرەزيدەنت سايلاۋى وتەدى. مەملەكەت باسشىلىعىنا 7 كانديدات تالاسادى.
پىكىر قالدىرۋ