شىلدە ايىندا انتيۆاندال قورعانىسى مەن GPS-ترەكەرلەرى بار 300 ەلەكتروساموكات 35 ورىنعا قويىلادى دەپ حابارلايدى Qamshy.kz اقپارات اگەنتتىگى كolesa.kz سايتىنا سىلتەمە جاساپ.

الەمدىك تاجىريبە كورسەتكەندەي، جالعا الىنعان ەلەكتروساموكاتپەن قوزعالۋ ۋاقىتى 5-7 مينۋت. ونى كوبىنە مەترو بەكەتىنە نە ايالداماعا دەيىن جەتۋ ءۇشىن پايدالانادى. ءبىزدىڭ Android جانە IOS جۇيەلەرىنە ارنالعان قوسىمشالارىمىزدىڭ كومەگىمەن پايدالانۋشىلار بانك كارتاسى ارقىلى تولەم جاساي الادى. «وڭاي» كارتاسى ارقىلى تولەۋ مۇمكىندىگىن بەرۋ دە جوسپاردا بار. جىل سوڭىنا دەيىن ءبىز تاعى 500 ساموكاتتى ىسكە قوسامىز، — دەدى Ozim scooters ستارتاپىنىڭ ديرەكتورى اسىلبەك ەسەنوۆ.

ەستەرىڭىزدە بولسا، ءبىر جىل بۇرىن الماتىدا ۆەلوسيپەدتەردى جالعا بەرەتىن سەرۆيس ءتۇرى ىسكە قوسىلعان بولاتىن. الايدا تاجىريبە كورسەتكەندەي، بىزگە مۇنداي جاڭالىقتاردى ەنگىزۋگە ءالى ەرتە سياقتى، سەبەبى جالعا بەرىلەتىن ofo ۆەلوسيپەدتەرى تالان-تاراجعا تۇسكەن ەدى. قازىرگى تاڭدا جۇمىسىن جالعاستىرىپ كەلە جاتقان تەك مۋنيسيپالدىق «الماتى بايك» قانا.