Facebook جەلىسىندە تانىمال اقىن بالتابەك نۇرعالييەۆ ءوزىن ورىستىڭ ۇلى اقىنى پۋشكينمەن سالىستىراتىنىن ايتتى. بۇل تۋرالى ول Youtube جەلىسىندەگى "ۋاقىت كورسەتەدى" باعدارلاماسىنا بەرگەن سۇحباتىندا ايتقان دەپ جازادى Qamshy.kz اقپارات اگەنتتىگى.
بالتابەك نۇرعالييەۆ - قازاقستانننىڭ تۇڭعىش پرەزيدەنتى نۇرسۇلتان نازاربايەۆ پەن ونىڭ جاقىندارىنا ءھام نازاربايەۆ قۇرعان بيلىك جۇيەسىندەگى شەنەۋلىكتەرگە شىعارعان ماداق جىرلارىمەن تانىلعان اقىن. ول اتالعان جىرلارىندا ن.نازاربايەۆتى "قۇدايعا"، ونىڭ ءىنىسى بولات نازاربايەۆتى "قازاقتىڭ بايتەرەگىنە" تەڭەپ، كوپشىلىكتىڭ سىنىنا قالعان.
"ۋاقىت كورسەتەدى" باعدارلاماسىنا بەرگەن سۇحباتىندا بالتابەك اقىننىڭ كوزىنە جاس كەلىپ ىشىندەگىسىن اقتاردى. ول ماداق جىرلاردىڭ ءبارىن شىن جۇرەگىمەن شىعاراتىن جانە ول ءۇشىن لاۋازىمدى تۇلعالاردان ەشقانداي سىي-سياپات "دامەتپەيتىن" ايتى.
"مەنىڭ تىلىمە 18 مىڭ عالام سىيىپ تۇر" دەگەن اقىن ءبىراز جىل بۇرىن دەرتكە شالدىعىپ، ءتىلى بايلانىپ قالعانىن جانە جۇرەگىندە ءبىر مۇڭنىڭ بار ەكەنىن جاسىرمادى.
سۇحبات سوڭىندا ول ەگەر بۇل دۇنيەمەن قوشتاسىپ بارا جاتقاندا سوڭعى ءسوزىن ايتىپ قالاتىن مۇمكىندىك بەرىلسە: "مەنىمەن ويناماڭدار دەپ ايتامىن"، -دەدى.
ۆيدەو Youtube جەلىسىندەگى "ۋاقىت كورسەتەدى" ارناسىنان الىندى
