رەسەيدە وتكەن مۋز-تۆ 2019 سىيلىعىنىڭ كەشىندە ديماشتى جۇرگىزۋشى باسقا بىرەۋمەن شاتاستىرىپ الدى دەپ حابارلايدى Qamshy.kz اقپارات اگەنتتىگى.
ۆيدەونىڭ 41ء-نشى مينۋتىندا كەشتىڭ تۇساۋىن كەسۋ ءۇشىن ارنايى قوناق رەتىندە شاقىرىلعان ديماشتى تىكەلەي ەفيردە جۇرگىزىپ تۇرعان جۇرگىزۋشى دجوۆان ەسىمدى وزگە بىرەۋمەن شاتاستىرىپ الدى. قاتەسىن تۇسىنگەن جۋرناليست قاتەلىگىن جۋىپ-شايماقشى بولىپ ىلە-شالا كورەرمەندەردەن كەشىرىم سۇرادى. ءسويتىپ، "بۇل قازاقستاننان ارنايى شاقىرىلعان قوناق. سىزدەرگە ونى تانىستىرامىن دەپ ۋادە بەردىم بە، دەمەك، ءقازىر تانىستىرامىن" دەپ ءوزىنىڭ ىڭعايسىز جاعدايعا قالعانىن تۇسىنە قويدى.
ودان ءارى "نەگىزى مۋز-تۆ شەتەلدىك قوناقتارعا مۇقتاج ەمەستىگىن ەسكەرتكەن. ءبىراق قازاقستان بىزگە جاقىن، ءارى مۋز-تۆ سىيلىعى ءبىر رەت قازاقستاندا وتكەندىكتەن، ديماش ءوزىن ۇيىندە جۇرگەندەي سەزىنىپ تۇرعان بولار" دەپ ءسوزدى باسقا ارناعا بۇرىپ جىبەردى. ديماشتى قىزىل كىلەمنەن شىعارىپ سالىپ جاتىپ ديماشتى تاعى دا دجوۆان دەگەن جۇرگىزۋشىنىڭ ساۋاتسىزدىعىنا قاپالانعان ديماشتىڭ جانكۇيەرلەرى ءتۇرلى جاعىمسىز پىكىر قالدىرىپ، ديماش تانىستىرۋدى قاجەت ەتپەيدى دەپ، ونى قاشان دا، قالاي دا قولدايتىندارىن ءبىلدىرىپ، جۇرەكجاردى پىكىرلەر قالدىرىپ جاتىر.
بۇعان دەيىن دە ديماشقا قاتىستى ءتۇرلى كەلەڭسىز جايتتار ورىن العان بولاتىن: بىردە ميكروفونى ىستەن شىقسا، ەندى بىردە ديماش فاندارىن قۇلعا تەڭەگەن ەدى. ەندى وسى جولى ديماشتى رەسەيدە نە كۇتەدى؟
وقي وتىرىڭىز، ♦ەرجان ماكسيم «مۋز-تۆ 2019 سىيلىعى» كەشىندە اعىلشىن تىلىندە ءان ورىندادى (ۆيدەو)
♦ديماش «مۋز-تۆ 2019 سىيلىعى» كەشىندە كەرەمەت ونەر كورسەتتى (ۆيدەو)
پىكىر قالدىرۋ