قازاقستاندىق ORDA توبىنىڭ تىڭدارماندارى توپتىڭ Máńgilik El Daýysy ۇلتتىق جوباسىندا ونەر كورسەتۋىن قولدادى دەپ حابارلايدى Qamshy.kz اقپارات اگەنتتىگى. بۇل تۋرالى توپتىڭ ينستاگرامداعى پاراقشاسىندا جازدى.
"قۇرمەتتى جازىلۋشىلار! سوڭعى جايتتارعا بايلانىستى قازانداعى بارلىق كونسەرتتەن باس تارتقان ەدىك، قولداۋ كورسەتىپ، تۇسىنىكپەن قاراعاندارىڭىز ءۇشىن اربىرىڭىزگە العىس ايتامىز.
دەگەنمەن، كوماندامىزبەن بىرگە استانادا 9 قاراشا كۇنى Qazaqstan ورتالىق كونسەرت زالىندا وتەتىن Máńgilik El Daýysy كونسەرتىنە قاتىسامىز دەگەن شەشىمگە كەلدىك. ۇيىمداستىرۋشىلارمەن بىرگە شوۋ قويىلىمى مەن تەحنيكالىق جاعىنان ءبىراز ەڭبەك سىڭىردىك. سوندىقتان استانادا كورىسكەنشە!"، - دەپ جازدى ORDA توبىنىڭ وكىلدەرى.
ەسكە سالايىق، تۇڭعىش قازاقستاندىق Máńgilik El Daýysy مۋزىكا شوۋى 9 قاراشا كۇنى نۇر-سۇلتان قالاسىندا وتەدى. ساحنادا ەركە ەسماحان، ايقىن، نۇرجان كەرمەنبايەۆ، Raim & Artur، مادينا ءسادۋاقاسوۆا، ەربولات قۇدايبەرگەن جانە ORDA توبى ونەر كورسەتەدى. جوبا ۇيىمداستىرۋشىسى - Pantograph پروديۋسەرلىك ورتالىعى مەن نۇر-سۇلتان قالاسىنىڭ اكىمدىگى، اقپاراتتىق قولداۋ - Alash Media Group حولدينگى.
پىكىر قالدىرۋ