بۇگىن قازاقستاندا پرەزيدەنت سايلاۋى الدىنداعى تىنىشتىق كۇنى جاريالاندى دەپ حابارلايدى Qamshy.kz اقپارات اگەنتتىگى.

تىنىشتىق كۇنى زاڭ بويىنشا سايلاۋالدى ۇگىتكە تىيىم سالىنعان. كەز كەلگەن ۇگىت جۇمىسى زاڭسىز سانالادى.

سونداي-اق، تىنىشتىق كۇنى جانە سايلاۋ كۇنى قازاقستاندىقتارعا كانديداتتىڭ اتىن ايتپاي، جالپى سايلاۋعا قاتىسۋعا ۇندەۋ جاريالاۋعا بولادى. كىمگە داۋىس بەرەتىنىن ايتپاي، سايلاۋعا باراتىنىن دا حابارلاي الادى.

نەمەسە كىمگە داۋىس بەرگەنىن ايتپاي، سول كۇنى سايلاۋعا قاتىسقانىن مالىمدەۋگە بولادى.

قازاقستاندىقتار ەرتەڭ، 9 ماۋسىم كۇنى تاڭعى 07:00-دەن كەشكى 20:00-گە دەيىن قالاعان كانديداتىنا داۋىس بەرە الادى. قازاقستان بويىنشا سايلاۋ ۋچاسكەلەرىنىڭ جالپى سانى – 9 970 (48 ۋچاسكە 06:00-دە اشىلادى).

وسى جولى ورتالىق سايلاۋ كوميسسياسى قازاقستان پرەزيدەنتتىگىنە جەتى كانديداتتى تىركەدى:

• قازاقستان كوممۋنيستىك حالىق پارتياسى اتىنان جامبىل احمەتبەكوۆ؛
• "اق جول" دەموكراتيالىق پارتياسى اتىنان دانيا ەسپايەۆا؛
• "ۇلت تاعدىرى" قوزعالىسى اتىنان ءامىرجان قوسانوۆ؛
• "اۋىل" پارتياسى اتىنان تولەۋتاي راقىمبەكوۆ؛
• كاسىپوداقتار فەدەراسياسى اتىنان امانگەلدى تاسپيحوۆ؛
• Nur Otan پارتياسى اتىنان قاسىم-جومارت توقايەۆ؛
• "ۇلى دالا قىراندارى" قوعامدىق بىرلەستىگى اتىنان سادىبەك تۇگەل.

ءارى قاراي وقۋ: https://sputniknews.kz/politics/20190608/10426709/Qazaqstan-8-mausym-tynyshtyq-kuni.html