نۇرسۇلتان نازاربايەۆ ەلورداداعى وقۋشىلار سارايىندا قازاقستان رەسپۋبليكاسىنىڭ پرەزيدەنتىن سايلاۋ راسىمىنە قاتىسىپ، داۋىس بەردى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ. 

"بۇگىن ازاماتتارىمىز سايلاۋعا قاتىسىپ، داۋىس بەرىپ جاتىر. سايلاۋ ناۋقانى بارلىق ەلدە جانە ءاردايىم حالىق ءۇشىن تاريحي ءسات سانالادى. ازاماتتار ەل پرەزيدەنتىن عانا ەمەس، سونىمەن قاتار ءوز بولاشاعى مەن تاعدىرىن تاڭدايدى"، – دەدى نۇرسۇلتان نازاربايەۆ.

ەلباسى، سونداي-اق، بيىلعى پرەزيدەنت سايلاۋىنىڭ ەرەكشەلىگىنە توقتالدى.

"بيىلعى سايلاۋدىڭ ەرەكشەلىگىن بىلەسىزدەر. مەن پرەزيدەنتتىك وكىلەتتىگىمدى توقتاتىپ، جاستارعا جول بەردىم. بۇل – دۇرىس شەشىم. توڭىرەگىمىز تۇگەل دامىپ كەلەدى. قازاقستاندى جاڭا بەلەسكە باستاۋ ءۇشىن ەل باسشىلىعىنا وزىق ويلى جاڭا بۋىن كەلۋى كەرەك. پرەزيدەنتتىك وكىلەتتىگىمدى توقتاتۋ جونىندەگى شەشىمىم بۇكىل الەمدە تۇسىنىستىكپەن قابىلداندى. مەن كوپتەگەن ەلدىڭ كوشباسشىلارىنان حات الدىم. ولار قازاقستاندا بيلىكتى بەرۋ پروسەسىنىڭ بەيبىت جاعدايدا ءوتىپ جاتقانىن جوعارى باعالاۋدا"، – دەدى قازاقستاننىڭ تۇڭعىش پرەزيدەنتى.

"ءسىز قازاقستاننىڭ قانداي بولاشاعى ءۇشىن داۋىس بەردىڭىز؟" - دەگەن جۋرناليستەردىڭ ساۋالىنا دا جاۋاپ بەردى.

"2050" ستراتەگيالىق باعدارلاماسىندا بارلىعى تولىق جازىلعان. ياعني، 2050 جىلعا دەيىن قازاقستان وسى باعدارلاماعا سايكەس داميتىن بولادى. تۇپكى ماقسات - ەلىمىزدىڭ الەمنىڭ دامىعان 30 ەلىنىڭ قاتارىنا قوسىلۋى. مۇندا قازاقستاننىڭ دامۋى دا، جاستار دا، الەۋمەتتىك تە، ەكونوميكالىق تا، حالىقارالىق دامۋ دا كىرەدى"، - دەپ جاۋاپ بەردى نۇرسۇلتان نازاربايەۆ.