ءامىرجان قوسانوۆ نۇر-سۇلتاندا جۋرناليستەر مەن سايلاۋشىلارعا پرەسس-كونفەرەنسيا وتكىزدى دەپ حابارلايدى Qamshy.kz اقپارات اگەنتتىگى Hola News سايتىنا سىلتەمە جاساپ. 

قوسانوۆقا داۋىس بەرگەن ازاماتتار سايلاۋ ناتيجەسىمەن كەلىسپەيتىنىن ايتسا، ءبىرشاما ازاماتتىڭ داۋىس بەرۋ قۇقىقتارى بۇزىلعان. 

قوسانوۆ توقايەۆتىڭ جەڭىسىن مويىندايتىنىن ايتتى. وعان قوسا، ول بۇل وپپوزياسيانىڭ ۇلكەن جەڭىسى بولدى دەگەن ويدا.

"ءيا، مەن توقايەۆتىڭ جەڭىسىن مويىندادىم. ماعان وسى ۋاقىت بويى ناسيحات جۇمىستارىندا كومەكتەسىپ كەلە جاتقان ارىپتەستەرىممەن دە كەڭەستىم. مەن شىن مانىندە رەاليست بولا وتىرىپ، مەملەكەتتىك ماشينانى بىلە وتىرىپ، بۇگىنگى كۇنى ءبىزدىڭ مۇمكىندىكتەرىمىزدى قاراي وتىرىپ، 15.9 پايىزدى مويىندادىم. سوندىقتان كەيىنگى سايلاۋدا بيلىكتىڭ وزىنە ۇيات. مەنەن كەيىنگى كانديداتتى نەمەسە پارتيانى 6-9 پايىزعا تومەندەتۋگە جول بەرىلمەيدى. مەن شامامەن 15 پايىز داۋىس جينادىم. بۇعان دەيىن مۇنداي ساندار بولعان جوق. 15% – بۇل ءبىرىنشى رەت. قازاقستاننىڭ وپپوزياسياسى ءۇشىن بۇل-جەڭىس! كەز-كەلگەن پارتياسىز، رەسۋرستارسىز ءبىز وسىنداي ناتيجەلەرگە قول جەتكىزدىك. مەن قازاق وپپوزيسياسىنداعى لەگيتيميزاسيانى كوتەردىم. مەنىڭ ويىمشا، بۇل ۇلكەن پسيحولوگيالىق، ساياسي جەڭىس"،-دەدى قوسانوۆ.

ءسوز سوڭىندا قوسانوۆ وزىنە داۋىس بەرگەن ازاماتتاردان كەشىرىم سۇرادى. ول بۇل ناتيجەنىڭ ۇلكەن جەڭىس ەكەنىن اتاپ ءوتتى.