تۇركيا رەسپۋبليكاسىنىڭ پرەزيدەنتى رەجەپ ەردوعان ءوزىنىڭ جانە تۇرىك حالقىنىڭ اتىنان قاسىم-جومارت توقايەۆتى قازاقستان رەسپۋبليكاسىنىڭ پرەزيدەنتى سايلاۋىنداعى جەڭىسىنە وراي قۇتتىقتاۋ جەدەلحاتىن جولدادى Qamshy.kz اقپارات اگەنتتىگى. بۇل تۋرالى اقوردانىڭ رەسمي سايتى مالىمدەدى.
ساياسي تۇراقتىلىق ساباقتاستىعىنىڭ ماڭىزدى كورسەتكىشى رەتىندە وسى سايلاۋدىڭ تابىستى اياقتالعانىنا قۋانىشتى ەكەنىن ايتقان تۇركيا پرەزيدەنتى قازاقستاننىڭ الداعى دامۋىنا سەنىم ءبىلدىردى.
"قازاقستاننىڭ تىنىشتىق پەن تۇراقتىلىق جولىنداعى قادامدارىن ودان ءارى جالعاستىرا تۇسەتىنىنە جانە حالىقارالىق بەيبىتشىلىك پەن قاۋىپسىزدىكتى قامتاماسىز ەتۋگە ۇلەس قوسا بەرەتىنىنە كۇمانىم جوق. حالىقتارىمىز اراسىنداعى تاريحي جانە ەجەلگى دوستىققا نەگىزدەلگەن تۇركيا-قازاقستان قارىم-قاتىناستارى تۇڭعىش پرەزيدەنت – ەلباسى نۇرسۇلتان نازاربايەۆ مىرزامەن ءبىزدىڭ بىرلەسكەن كۇش-جىگەرىمىزدىڭ ارقاسىندا جوعارى دەڭگەيگە جەتتى. وسى ورايدا، ەلدەرىمىز اراسىنداعى قارىم-قاتىناستاردى بارلىق سالادا ودان ءارى دامىتۋ ءۇشىن جۇمىس ىستەۋگە دايىن ەكەنىمدى اتاپ وتكىم كەلەدى"، – دەلىنگەن جەدەلحاتتا.
سونىمەن قاتار،رەسەي فەدەراسياسىنىڭ توتەنشە جانە وكىلەتتى ەلشىسى الەكسەي بوروداۆكين قاسىم-جومارت توقايەۆقا پرەزيدەنت سايلاۋىنداعى جەڭىسىنە بايلانىستى رەسەي فەدەراسياسىنىڭ پرەزيدەنتى ۆلاديمير ءپۋتيننىڭ قۇتتىقتاۋىن جەتكىزدى.
"مەن ءسىزدى داۋىس بەرۋشىلەر بەلسەندى قاتىسقان سايلاۋداعى ايقىن جەڭىسىڭىزبەن قۇتتىقتايمىن. بۇل – تازا جەڭىس ءارى حالىقتىڭ ءسىزدى قازاقستان پرەزيدەنتى رەتىندە تاڭداۋىنىڭ ايقىن دالەلى"، – دەدى رەسەي ەلشىسى.
سونىمەن قاتار، قازاقستان-رەسەي قارىم-قاتىناستارىن ودان ءارى تەرەڭدەتۋ جانە ەكى ەلدىڭ حالىقارالىق ۇيىمدار اياسىنداعى ىنتىماقتاستىعىنا قاتىستى ماسەلەلەر تالقىلاندى.
پىكىر قالدىرۋ