ورال قالاسىندا 10 ايلىق ءسابي جانساقتاۋ بولىمىندە كوز جۇمدى دەپ جازادى Qamshy.kz اقپارات اگەنتتىگى ۆرەميا گازەتىنە سىلتەمە بەرە وتىرىپ.

«10-ماۋسىم كۇنى وبلىستىق كوپ سالالى بالالار اۋرۋحاناسىندا 10 ايلىق ءسابي كوز جۇمدى. ولىمگە باكتەريالدى ينفەسيا سەبەپشى بولدى»،- دەپ حابارلايدى بقو دەنساۋلىق ساقتاۋ باسقارماسىنىڭ باسپا ءسوز قىزمەتى.

مەكەمەنىڭ ايتۋىنشا، دارىگەرلەر بالانى امان الىپ قالۋ ءۇشىن بار كۇشتەرىن سالعان.

–كۇندەلىكتى باقىلاۋ جۇمىستارى ءجۇرىپ وتىردى. انا مەن بالا ورتالىعىنىڭ ماماندارىمەن تەلەمەديسينا بويىنشا سىرتتاي كونسۋلتاسيا وتكىزىلدى. س. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىنىڭ بالالار اۋرۋلارى كافەدراسىنىڭ دوسەنتىمەن جەكە كەڭەس وتكىزىلدى. الايدا، وكىنىشكە وراي، بالانى قۇتقارا المادى،- دەدى بقو دەنساۋلىق ساقتاۋ باسقارماسىنىڭ ءباسپاسوز-حاتشىسى ايناگۇل ساكپۋسۋنوۆ.

"باستاپقى كەزدە بالا مەنينگوكوك ينفەكسياسىنان قايتىس بولدى" دەگەن اقپارات تاراعان، ءبىراق بقو دەنساۋلىق ساقتاۋ باسقارماسى بۇل اقپاراتتى راستامادى.

اۋدارعان: بەك بايتاس