جۋرناليست شوقان الحابايەۆ باسپا ءسوز وكىلى ەكەنىن بىلدىرەتىن ايرىقشا بەلگىلەرسىز ءجۇرىپ، تارتىپسىزدىكتى كۇشپەن توقتاتۋ كەزىندە وقيعا وشاعىنا تىم قاتتى جاقىنداپ كەتكەن. بۇل جاعداي ءۇشىن كەشىرىم سۇرايمىن، دەدى ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ دەپ حابارلايدى Qamshy.kz اقپارات اگەنتتىگى.

"ول ماتەريالدارمەن تانىستىم. وقيعا سايران اۆتوۆوكزالىنىڭ جانىندا بولعان. جۋرناليست تۇندە باسپا ءسوز وكىلى ەكەنىن بىلدىرەتىن بەلگىلەرىنسىز ءجۇرىپ، تارتىپسىزدىكتى كۇشپەن توقتاتۋ كەزىندە وقيعا وشاعىنا تىم قاتتى جاقىنداپ كەتكەن. بەيدجيگى جوق، ارنايى جيلەتى جوق، سوندىقتان شىنىمەن دە پوليسەيلەر ونى ۇستاپ اكەتكەن. كىم ەكەنى كەيىن انىقتالىپ، بوساتىلدى. مەن ىشكى ىستەر مينيسترلىگى اتىنان وسى وقيعا ءۇشىن كەشىرىم سۇرايمىن، ءبىراق بۇل جەردە ءباسپاسوزدىڭ دە كىناسى بار. ءبىز ءجۋرناليستىڭ جۋرناليست ەكەنىن ارنايى بەلگىلەرىنە قاراپ بىردەن بايقاۋىمىز كەرەك"، – دەدى قوجايەۆ.