ق ر پرەزيدەنتى لاۋازىمىنا سايلانۋىنا بايلانىستى قاسىم-جومارت توقايەۆتىڭ اتىنا قۇتتىقتاۋلار كەلىپ تۇسۋدە دەپ جازادى Qamshy.kz اقپارات اگەنتتىگى.
بۇۇ 8ء-شى باس حاتشىسى، ونسە ۋنيۆەرسيتەتىنىڭ جانىنداعى جاھاندىق ءىس-قيمىلدار ينستيتۋتىنىڭ قۇرمەتتى ءتوراعاسى پان گي مۋن قاسىم-جومارت توقايەۆتى جاۋاپتى مەملەكەتتىك لاۋازىمعا سايلانۋىمەن شىن جۇرەكتەن قۇتتىقتادى. جەدەلحاتتا مەملەكەت باسشىسىنىڭ بۇۇ جەنيەۆاداعى بولىمشەسىنىڭ باس ديرەكتورى قىزمەتىن اتقارعان كەزدەگى جۇمىس تاجىريبەسى، ءارتۇرلى مۇددەلى تاراپتاردى كەلىسىمگە كەلتىرۋ قابىلەتى قازاقستاندى وركەندەتۋگە سەپتىگىن تيگىزەتىنىنە سەنىم ءبىلدىردى.
«قازاقستان قازىرگى ۋاقىتتا ورنىقتى دامۋى مەن ينكليۋزيۆتى ءوسىمىن ايقىن كورسەتىپ كەلە جاتقان بىرەگەي مەملەكەت. ءسىزدىڭ ديپلوماتيانى تەرەڭ تۇسىنەتىنىڭىز ەلىڭىزدەگى مەملەكەتتىك قۇرىلىس پەن الەۋمەتتىك-ەكونوميكالىق دامۋعا ىقپال ەتەدى دەپ ويلايمىن. الداعى ۋاقىتتا الەمنىڭ بولاشاعىن جارقىن قىلۋ ماقساتىندا كۇش-جىگەر بىرىكتىرىپ، ىنتىماقتاستىعىمىزدى جالعاستىرا بەرگىمىز كەلەدى»، – دەلىنگەن جەدەلحاتتا.
دايىنداعان: يلدار اديلچەنوۆ
پىكىر قالدىرۋ