ءامىرجان قوسانوۆتىڭ سايلاۋالدى باعدارلامالارىندا بىرگە ۇگىت-ناسيحات جۇرگىزگەن دوس كوشىمنىڭ قىزى اينا دوس قىزى ءوز الەۋمەتتىك جەلىسىندە اكەسى تۋرالى پىكىر قالدىردى.

"اكەمە قاتىستى. بىردەن ەسكەرتەمىن: كەز كەلگەن نەگاتيۆتى كوممەنت بلوكقا كەتەدى. سەبەبى، اكەم سياقتى قازاقتار ءۇشىن ءالى ەشكىم ەشتەنە ىستەگەن ەمەس. سوندىقتان، وزدەرى ىسپەن ەشقانداي ۇلەس قوسپاعان ادامدار ءوز پىكىرىن جازۋعا xاقى جوق دەپ ويلايمىن.

✅ اكەم وپپوزيسيونەر ەمەس، ول - ۇلتشىل. ءارقاشان ءوزىن سولاي اتاعان. جۋرناليستتەردىڭ ونى وپپوزيسيونەر دەپ اتاۋىن ەسەپكە الساق تا، ءقازىر سولاردىڭ ىشىندەگى بيلىكتە ەشقاشان قىزمەت ەتپەگەن جالعىز ادام (30 جىلعى "وپپوزيسيا" بۇرىڭعى بيلىك وكىلدەرىنەن تۇراتىنىن بىلەمىز).
✅ وسىدان 3 جىل بۇرىن قازاقتىڭ جەرىن قىتايعا ساتقىزباۋدا قانشا شىرىلداپ ءجۇردى. بىلەسىزدەر وزدەرىڭىز.
✅ 2002 جىلى وزبەكستانعا قازاق جەرىن بەرمەۋ ءۇشىن ميتينگ ۇيىمداستىرىپ، ءبىر ايماقتى قايتارىپ الدى.
✅ مونعوليادان قازاق ورالماندارىن ەلگە قايتاردى.
✅ قىتايدان قايتا الماي، شەكاردا ءبىر ايى بويى جاتقان ورالماندار ءۇشىن جۇگىرىپ، ەلگە اكەلدى.
✅ شاڭىراق وقيعاسىنا قاتىسقان 25 ازاماتتى قورعاپ شىقتى.
✅ قازاقستاندا ەشقاشان بولماعان سايلاۋدى باقىلاۋشىلار ينستيتۋتىن قالىپتاستىردى. اكەمە دەيىن سايلاۋدا باقىلاۋشىلار بولمايتىن. باقىلاۋ باعدارلاماسىن جاساپ، بۇكىل باقىلاۋشىلاردى وقىتقان ادام. قازىرگى باقىلاۋشىداردىڭ بار بولعانى، زاڭ بۇزۋشىلىقتاردى ءسىز كورگەنىڭىز - اكەمنىڭ ارقاسى.
✅ قازاقستان بويىنشا قازاق فاميليالار "-ۇلى"، "-قىزى" دەپ جازىلۋىنا بولەك ەڭبەك ەتتى.
✅ تاۋەلسىزدىك العاننان كەيىن تالاي ورىس مەكتەپتەرىن قازاقشالادى، نە قازاق سىنىپتارىن اشتىرتتى.
✅ جەر-سۋ اتتارىن قازاقشالۋ تۋرالى زاڭ جاساستى.
✅ بىرنەشە اسكەري بولىمشەلەرگە قازاق باتىرلاردىڭ اتىن بەرۋدى تالاپ ەتتى دا، وزگەرتتى.
✅ ءبىر دە ءبىر قازاق جانە وزگە ۇلت اراسىنداعى شيەلەنىستى جىبەرىپ الماي (شەلەك وقيعاسى، ت.ب.)، قازاقتاردىڭ مۇددەسىن قورعاپ شىعىپ، كىنالى ادامداردىڭ جازالانۋىنا قول جەتكىزدى.
✅ بيلىككە قارسى بولعانى ءۇشىن جۇمىستان سوناۋ 99 جىلى شىعارىلدى.
✅ بيلىككە قارسى بولعانى ءۇشىن، ءادىل سايلاۋدى تالاپ ەتكەنى ءۇشىن بىرنەشە رەت سوتتالدى، جاۋاپقا تارتىلدى، ت.ب.
✅ 86 جىلعى جەلتوقسان وقيعاسىنىڭ قاتىسۋشىسى، ءارى سول مونۋمەنتتىڭ الاڭعا ورناتىلۋىنىڭ ينيسياتورى.
✅ ورىس ءتىلدى وبلىستاردا بالالارىن قازاقشا وقىتۋ بويىنشا تالاي اعارتۋشىلىق جيىندار ۇيىمداستىردى.

✅ت.ب. وتە كوپ جۇمىستار.
.
اكەمە بيلىك تە، اتاق تا كەرەك بولعان ەمەس. بار ويلاعانى - قازاقتىڭ مۇددەسى"،- دەيدى اينا دوس قىزى.

دەرەككوز: اينا دوس قىزىنىڭ Instagram پاراقشاسى