ءبىرشاما حالىق ماتەريالدىق جاعدايى ناشارلاعان سوڭ، نارازىلىق ءبىلدىرىپ ميتينگكە شىقتى. بۇل تۋرالى قاسىم-جومارت توقايەۆ Euronews باسىلىمىنا بەرگەن سۇحباتىندا مالىمدەدى دەپ حابارلايدى Qamshy.kz اقپارات اگەنتتىگى. 

–شەرۋگە شىققاندارعا كەلسەك، ولار نارازىلىعىن ءبىلدىرۋ ءۇشىن كوشەگە شىقتى. ءقازىر ولاردىڭ تالابىن زەرتتەۋ جۇمىستارى ءجۇرىپ جاتىر. كوبىنىڭ تالابى – الەۋمەتتىك سيپاتتا. مۇنداي ماسەلەلەردىڭ بارىن جوققا شىعارمايمىن. نەگىزىندە مۇنداي جاعداي ادامداردىڭ كەدەيلەنۋىنە بايلانىستى بولادى. ولار ۇكىمەتتەن الەۋمەتتىك-ەكونوميكالىق پروبلەمالاردى شەشۋدى تالاپ ەتەدى، - دەدى توقايەۆ. ونىڭ ايتۋىنشا، قۇقىق قورعاۋ ورگاندارى زاڭسىز اكيسيالاردىڭ جولىن كەسۋدى جالعاستىرادى.

–باس پروكۋراتۋرا كوشەدەگى مۇنداي جيىنداردىڭ زاڭسىز ەكەنىن تالاي ايتقان. زاڭسىز ميتينگتەر، تارتىپسىزدىكتەر - بۇعان قاتىسقىسى كەلمەيتىن حالىققا كەدەرگى كەلتىرەدى، - دەدى پرەزيدەنت.

–بيلىك ەستىدى. ەندى جۇمىس ىستەيمىز. ولاردىڭ اراسىنا كەزدەيسوق تاپ بولعان ادامدار بارىن ەستىدىم. ولاردىڭ الدىندا، البەتتە، كەشىرىم سۇراپ، تەز بوساتامىز. بۇل پروبلەما شەشىمىن تابادى"، - دەپ ۋادە بەردى ول. "ارينە، ولار بوساتىلادى. سەبەبى بۇل – ءوز پىكىرى. ماسەلەن، مەن سايلاۋدى ءادىل ءوتتى دەپ سانايمىن، - دەپ جاۋاپ بەردى «سايلاۋ ءادىل بولمادى» دەپ ۇستالعاندار جايلى توقايەۆ .