بۇگىن مەنى پرەزيدەنت اكىمشىلىگىنە كەزدەسۋگە شاقىردى. كەزدەسۋدى پرەزيدەنت اكىمشىلىگى باسشىسىنىڭ ورىنباسارى - دارحان قالەتايەۆ باستادى. كەزدەسۋگە مەن، دارحان قالەتايەۆ جانە ق ر پرەزيدەنتىنىڭ كەڭەسشىسى - ەرلان قارين قاتىستى.

بىرنەشە سۇراقتاردى تالقىلادىق.
1. مەنىڭ كەشە جازعان ۇسىنىسىم جايلى. جۇزەگە اسىرۋدىڭ تەحنيكاسى مەن مەحانيزمىن قالاي كورىپ تۇرسىن دەپ سۇرادى. مەن ولارعا ءوز كوزقاراسىمدى ايتىپ بەردىم. ازاماتتىق قوعامدا ليدەرلەر پايدا بولۋ ءۇشىن سەزدەر مەن جينالىستاردى اشىق وتكىزۋگە جانە بارلىق قاۋىمداستىقتاردىڭ "ساياسي جاڭعىرتۋ جونىندەگى ۇلتتىق كەڭەسكە" ءوز وكىلدەرىن تاڭداۋعا مۇمكىندىك بەرۋ قاجەتتىگىن ايتتىم. ولاردىڭ تاراپىنان پارتيالاردىڭ، پرەزيدەنتتىككە بۇرىنعى كانديداتتاردىڭ جانە اتامەكەن وكىلدەرىنىڭ اۆتوماتتى تۇردە قاتىسۋى تۋرالى ماسەلە كوتەرىلدى. مەن سول كەزدە بۇل كەڭەسكە دەگەن سەنىمنىڭ جوعالاتىنىن ايتتىم. مەن ءار ساياسي پارتيالاردان ءبىر وكىلدەن شىعىپ، ۇسىنۋىنا كەلىستىم، ءبىراق اتامەكەن جانە پرەزيدەنتتىككە ۇسىنىلعان بۇرىنعى كانديداتتار قايتادان 10 مىڭ قولدان جيناپ شىعۋىن تالاپ ەتتىم. مەنىڭ ويىمشا، بۇل ءادىل بولادى. كەيبىر كانديداتتاردىڭ بۇل ساندى جيناي الاتىنىنا كۇمانىم بار.

2. قولداردى ساناۋ جانە تەكسەرۋ جايلى. مەنىڭ ۇستانىمىم بويىنشا، تەكسەرۋ كوميسسياسىن 50/50 قاتىناسىندا بيلىك پەن ازاماتتىق قوعام وكىلدەرىنەن قۇرۋ كەرەك. ازاماتتىق قوعامنان ءبىز وتكەن سايلاۋدا ءپرينسيپتى جاعىنان وزدەرىن جاقسى كورسەتكەن بەلسەندىلەردى سول جەرگە جىبەرە الامىز. تەكسەرۋ كوميسسياسى ازاماتتىق قوعامنىڭ وكىلدەرىنىڭ قولدارى مەن مانداتتارىن راستاعاننان كەيىن پرەزيدەنت "ساياسي جاڭعىرتۋ جونىندەگى ۇلتتىق كوميسسيانىڭ» جۇمىسى باستالاتىنىن جاريالايدى.

3. "ۇلتتىق كوميسسيا" جۇمىسى بويىنشا. 
مەن ۇلتتىق كوميسسيانىڭ ەڭ ماڭىزدى جانە قاراستىراتىن نەگىزگى ماسەلەردىڭ ءبىرى ول "سايلاۋ تۋرالى زاڭعا" وزگەرىستەر مەن تولىقتىرۋلاردى ەڭگىزۋى جانە ق ر پارلامەنتىنىڭ سايلاۋىن ۇيىمداستىرۋى ەكەنىن ايتتىم.

4. ق ر پارلامەنتى بويىنشا. مەن پارلامەنتتىڭ كەم دەگەندە 50% - ى ماجوريتارلىق پرينسيپ بويىنشا، ال قالعان 50% - ى پروپورسيونالدى پرينسيپ بويىنشا قالىپتاستىرىلۋى كەرەك دەگەن پىكىرىمدى ءبىلدىردىم. ءبىراق بۇل جاعدايدا دا سايلاۋعا كەم دەگەندە ەكى جاڭا پارتيانى جىبەرۋ مۇمكىندىگىن ەنگىزۋ كەرەك.

سونداي-اق، اكىمشىلىك ىستەر بويىنشا راقىمشىلىق جاساۋ جانە ميتينگىلەر كەزىندە ۇستالعانداردى بوساتۋ ماسەلەسى تالقىلاندى. ماعان: "زاڭدا اكىمشىلىك ىستەر بويىنشا راقىمشىلىق جاساۋ قاراستىرىلماعان" دەپ جاۋاپ بەردى. ولاردىڭ ايتۋى بويىنشا، بۇل - سايلاۋ كەزىندەگى ۋاقىتشا شارا، بيلىك بۇگىن-ەرتەڭ بارلىق ۇستالعانداردى بوساتادى دەگەن ءسوز ايتىلدى.

تاعى بىرنەشە شاعىن، تەحنيكالىق ماسەلەلەر تالقىلاندى. جالپى، مەن بيلىك تاراپىنان جاعدايدى وزگەرتۋگە دەگەن نيەتتى كوردىم. مەن بۇكىل پروسەسستەردىڭ ءادىل جانە اشىق ءوتۋىن تالاپ ەتتىم. نەگىزىندە، بيلىك تاراپىنان ساياسي رەفورمالار قاجەت ەكەنiن جانە ولار پىسىپ-جەتىلدى دەگەن تۇسىنىك بار. سۇراق تەك جىلدامدىق پەن تەحنيكادا عانا.

 مارعۇلان سەيسەمباي

"فەيسبۋك" پاراقشاسىنان