2019 جىلدىڭ 14-ماۋسىم كۇنى ساعات 12:00-دە الماتى قالاسىندا سايلاۋ باقىلاۋشىلارىنىڭ باستاۋىمەن باسپا ءسوز كونفەرەنسياسى ءوتتى دەپ جازادى Qamshy.kz اقپارات اگەنتتىگى.

كونفەرەنسيانىڭ باستى ماقساتى – سايلاۋدا بولعان زاڭ بۇزۋشىلاردى جازاعا تارتۋ. زاڭ بويىنشا جازالاۋ. كورسەتىلگەن مولشەردە تەمىر تورعا توعىتۋ. سايلاۋدى قايتا وتكىزۋ. جاڭا كانديداتتار جاساقتاۋ. سايلاۋدىڭ ءادىل وتپەگەنىن مويىنداتۋ.

سپيكەرلەر – سەرىك ابيشيەۆ، اقمارال قامبار قىزى، اراي نازاروۆا، ايمان تۇرسىنحان، تيمۋر پوچانوۆ.

سپيكەرلەر الماتى قالاسىنىڭ ۋچاسكەلەرىندەگى باقىلاۋشىلار توبىنان كەلگەن. نەشە ءتۇرلى زاڭ بۇزۋشىلىقتى كوزبەن كورگەن.

كونفەرەنسيانىڭ باسىن سەرىك ابيشيەۆ باستادى. قولىندا بار فاكتىلەردى كورسەتىپ، تەك سول دەرەك  بويىنشا سويلەۋگە تىرىستى. ءسوز اراسىندا:

–ءبىزدىڭ سايلاۋداعى داۋىسىمىز ۇرلاندى. مەن بۇل ءسوزدى قر-نىڭ ازاماتى رەتىندە ايتىپ تۇرمىن. باقىلاۋشىلاردى قۋدالاۋ كوپ جەردە كەزدەستى. سول جانداردىڭ بارلىعىنا ءتيىستى شارا قولدانۋلارىڭىزدى سۇرايمىز،- دەدى. ساندارمەن كورسەتىلگەن دەرەكتەردى حالىققا ۇسىنىپ، ءوز ءسوزىن راستايتىن قۇجاتتاردى جاريا ەتتى.

«امانات» سايلاۋالدى قوعامدىق باقىلاۋ تۇعىرناماسىنىڭ اتىنان كەلىپە تۇرمىن" دەگەن ەر كىسى سەرىك ابيشيەۆتىڭ ءسوزىن ءبولىپ، وعان:

–نەگە جامان جاقتارىن عانا ايتاسىزدار، مەندى باقىلاۋشى بولدىم. ءبىزدىڭ ۋچاسكەدەن ەشكىم ەشتەڭە سۇراعان جوق. ادىلەتتى بولساڭىزدار قايتەدى. مىناۋ بارىپ تۇرعان ارانداتۋشىلىق قوي،- دەپ ءسوزىن كەسە ايتتى.

باقىلاۋشىلار مەن كونفەرەنسيانى ۇيىمداستىرۋشىلار ەر ادامدى ءىس-شارادان الىستاتىپ، سىرتقا شىعارىپ جىبەردى. ارى قاراي ءسوز كەزەگى تيمۋر پوچانوۆقا بەرىلدى. ونىڭ دا ايتىپ وتىرعانى – وسى اڭگىمە.

–ينتەرنەتتە جۇرگەن وت جاقساڭ ءوشىپ كەتەتىن سيانىڭ ۆيدەوسىن مەن سالعان بولاتىنمىن. ول الماتى وبلىسى ەڭبەكشىقازاق اۋدانى قاينازار اۋىلىندا بولعان وقيعا. مەن ءموبيلدى توپتىڭ ىشىندە بولعاندىقتان، وقيعا ورنىنا بىردەن بارىپ، پوليسيا قىزمەتكەرلەرىن شاقىرتقانبىز. ءبىراق، ءبىزدى تىڭدار ەشكىم بولمادى،- دەدى پوچانوۆ مىرزا.

سونىمەن قاتار اقمارال قامبار قىزى دا، ايمان تۇرسىنحان دا ءوز كوزىمەن كورگەن زاڭ بۇزۋشىلىقتاردى ايتىپ بەردى. كەزەك سۇراقتارعا كەلدى. 

«ەگەر سىزدەر سايلاۋدىڭ ادىلەتسىز ەكەنىن دالەلەلدەپ شىقساڭىزدار، پرەزيدەنت كىم بولادى؟»،- دەگەن ساۋال كەزدەستى.

ونىڭ جاۋابىن سەرىك مىرزا ءوزى بەردى.

«بيلىك ادىلەتسىز ەكەنىن مويىنداپ جاتسا، قايتادان ەكىنشى سايلاۋ وتكىزەمىز. ءبىراق، بۇل جولى باسقا كانديداتتارمەن.»،- دەدى.

باقىلاۋشىلار قولدارىندا بار فاكتىلەردىڭ بارلىعىن ۇسىندى. قورىتىندى ءسوزدى سەرىك ءابىشوۆ ايتتى:

–ءبىز كونفەرەنسيانى ميتينگ جاساۋ ماقساتپەن جاساعان جوقپىز. تەك قانا زاڭ جۇزىندە ادىلدىككە جەتسەك،- دەدى.

وسى سەكىلدى ۆيدەوماتەريالدار وتە كوپ. جاقىندا بارلىعى الەۋمەتتىك جەلىدە جارىق كورەتىن بولادى.