مۇحتار شاحانوۆ پەن بەكبولات تىلەۋحانعا ۇندەۋ جولداپ، جاۋاپ الماعان تۇرعىمباي ەرجان ءوزىنىڭ Youtube ارناسىنا قازىرگى تاڭدا "باتىر" اتانىپ جۇرگەندەر جايلى ۆيدەو جۇكەتەدى دەپ جازادى Qamshy.kz اقپارات اگەنتتىگى. 

ۆيدەودا الدىمەن قازاقستاندا قانداي وپپوزيسيا ورناپ تۇرعانى، سايلاۋدان كەيىنگى حالىقتىڭ احۋالى جايلى ءسوز قوزعادى. سودان كەيىن بارىپ، بولاشاقتا قانداي جاعدايلار بولاتىنىن جورامالداپ كوردى. وپپوزيسيونەر:

"مەن قازىردەن باستاپ سىزدەرگە اشكەرە قىلايىن. كىمنىڭ كىم ەكەنىن ءبىلىپ جۇرىڭىزدەر. مەن ءارتىس، اقىن، سپورتشىلاردى زەرتتەپ ءجۇرمىن. جۇيەنىڭ ىشىندە جۇرگەندەر كىم ەكەن دەپ. بەكبولات تىلەۋحان، مۇحتار شاحانوۆ سونىڭ بەلسەندى مۇشەسى. حالىق ءتۇسىندى وپپوزيسيانىڭ جوق ەكەنىن. مەن دە "ۇلت تاعدىرى" دەگەندەرگە الدانىپ قالدىم. مەنەن باسقالار دا سول پارتيانى، قوسانوۆتى سىنعا العاندار وتە كوپ. بارلىق الەۋمەتتىك جەلىلەردى قولعا العان ادام دا بار. مەن ساياسي الاڭدا ءبىر جىل ءجۇرىپ، قوسانوۆتىڭ كىم ەكەنىن بىلەمىن. باسقالار ۇزاق جىلدار ءجۇرىپ، سونى كورمەگەن دەيسىزدەر مە؟ بارلىعى جۇيە. قوعامنىڭ كوشباسشىلارى دەپ جۇرگەن اقىندار، باتىرلار، ارتىستەر بارلىعى سول جەردە. رينات زايتوۆتا سول جۇيەدە. قازىرگى ءبىزدىڭ باتىر دەپ جۇرگەن قانات يسلام، گەناديي گولوۆكين زاماناۋي تىلمەن ايتقاندا "چەرت" دەۋگە دە بولادى. ەرتەدەگى باتىرلار ەل ءۇشىن جانىن قۇربان ەتكەن. ولاردا مىنەز بولسا، "حالىققا قارسى جۇمىس ىستەمەيمىن" دەسە دە بولادى. ءبىزدى دامىتاتىن ادامدار، بەلسەندىلەر. بۇرىنعى قولدانعان جالعان وپپوزيسيانىڭ تاسىلدەرىنەن باسقا، جاڭا ءتاسىلدى ويلاپ تابۋىمىز كەرەك"،- دەيدى.

حالىقتى جيناپ پارتيا اشقىسى كەلەتىن ەرجان تۇرعىمباي قازىرگى تاڭدا يتاليادا ءجۇر. ول ءار ەفيرىن سول جاقتان جۇرگىزىپ وتىرادى. ەلدى بىرىگۋگە شاقىرعان وپپوزيسيونەر:

"ۇلتجاندىلاردىڭ باسىن بىرىكتىرەمىن"،- دەيدى.