قوستانايدا بايماعامبەتوۆ پەن لەرمونتوۆ كوشەلەرىنىڭ قيىلىسىندا جارىلىس بولدى دەپ حابارلايدى Qamshy.kz اقپارات اگەنتتىگى Tengrinews سايتىنا سىلتەمە بەرە وتىرىپ.
وقيعا 17 ماۋسىمدا 12:00 شاماسىندا قوستاناي قالاسىنداعى لەرمونتوۆ كوشەسىنىڭ بويىندا ورنالاسقان ەكىقاباتتى تەحنيكالىق بايقاۋ ستانسياسىندا تابيعي گاز قۇرىلعىسى جارىلدى. كەيبىر مالىمەتتەر بويىنشا، تبس عيماراتىنا گاز قوندىرعىسى ورناتىلىپ جاتقان. عيمارات تولىعىمەن بۇزىلعان، قيراندىلار جاتقان جەردە ءورت شىققان.
وقيعا سالدارىنان 7 ادام زارداپ شەكتى، التاۋى اۋرۋحاناعا جەتكىزىلدى. ونىڭ ۇشەۋى اۋرۋحاناعا جاتقىزىلدى. زارداپ شەككەندەردىڭ بىرىنە وقيعا ورنىندا كومەك كورسەتىلدى. وقيعا ورنىندا جەدەل شتاب قۇرىلدى. گاز بەن ەلەكتر سىمدارى اعىتىلدى. ءورت سوندىرۋشىلەر ءورتتى 12:47-دە تولىعىمەن ءسوندىردى.
دەنساۋلىق ساقتاۋ باسقارماسى مالىمەتىنشە، زارداپ شەككەن ەكى ادام جانساقتاۋ بولىمىندە اۋىر حالدە جاتىر.
پىكىر قالدىرۋ