اقمولا وبلىسى رودينا اۋىلىنىڭ ماڭىندا ان-2 ۇشاعى اپاتقا ۇشىرادى دەپ حابارلايدى Qamshy.kz اقپارات اگەنتتىگى tengrinews.kz سايتىنا سىلتەمە جاساپ. بۇل مالىمەتتى ءىىم تجك رەسمي وكىلى نۇرسۇلتان نۇراحمەتوۆ راستادى.
"20 ماۋسىمدا شامامەن ساعات 10.00-دە اقمولا وبلىسى سەلينوگراد اۋدانى رودينا اۋىلىنان 10 شاقىرىم جەردە ەگىستىكتە حيميالىق وڭدەۋ جۇرگىزۋ كەزىندە ان-2 ۇشاعى اپاتقا ۇشىرادى"، - دەدى نۇراحمەتوۆ.
ۇشاق اپاتىنان ۇشقىش قازا تاپقان، ەكيپاجدىڭ ەكى مۇشەسى ءتۇرلى جاراقاتتارمەن اۋرۋحاناعا جەتكىزىلگەن. توتەنشە جاعدايدىڭ سەبەبى انىقتالىپ جاتىر.
يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە، وسى دەرەك بويىنشا تەرگەۋ جۇرگىزىلەدى.
