قازاقستاننىڭ ەكس-پرەزيدەنتى نۇرسۇلتان نازاربايەۆ الماتى وبلىسى قاراساي اۋدانى شامالعان اۋىلىندا بوي كوتەرگەن "ءۇشقوڭىر" سپورت كەشەنىنىڭ اشىلۋ سالتاناتىنا قاتىستى دەپ جازادى Qamshy.kz اقپارات اگەنتتىگى اقورداعا سىلتەمە جاساپ.
نازاربايەۆ ءوڭىردىڭ بارشا تۇرعىندارىن «ءۇشقوڭىر» سپورت كەشەنىنىڭ اشىلۋىمەن قۇتتىقتاپ، بوي كوتەرگەن نىساننىڭ جاستاردى تاربيەلەۋ جانە دەنە شىنىقتىرۋ ىسىندەگى ماڭىزىن اتاپ ءوتتى.
"ءبىز بۇگىن اۋدانداعى بىرەگەي سپورت كەشەنىن اشتىق. دەنى ساۋدىڭ – جانى ساۋ. قازىرگى زاماندا دەنى ساۋ ادام عانا تابىسقا جەتەدى. سوندىقتان، ءبىز بۇل نىساندى جاستارىمىز ءۇشىن ارنايى سالدىق"، – دەدى قازاقستاننىڭ ەكس-پرەزيدەنتى.
سونىمەن قاتار نازاربايەۆ بۇل سپورت كەشەندى ءوزىنىڭ وتباسى مەن جاقىندارى تۇرعىنداردىڭ يگىلىگى ءۇشىن سالعانىن ايتىپ ءوتتى.
"مەنىڭ وتباسىم جانە جاقىندارىم وسى سپورت كەشەنىن ارنايى سىزدەردىڭ يگىلىكتەرىڭىز ءۇشىن سالدى. سىزدەرگە زور دەنساۋلىق، اماندىق جانە باق-بەرەكە تىلەيمىن. بارشاڭىزدى تاعى دا سپورت كەشەنىنىڭ اشىلۋىمەن قۇتتىقتايمىن"، – دەدى نازاربايەۆ.
جاڭادان اشىلعان سپورت كەشەنىندە بوكس، كۇرەس جانە ترەناجەر زالدارى، ءجۇزۋ باسسەينى، تەننيس كورتى، كوپفۋنكسيونالدى زالدار جانە باسقا دا سپورت ينفراقۇرىلىمدارى بار.
نوۆىي سپورتكومپلەكس س ۆىسوتى پتيچەگو پولەتا pic.twitter.com/XGIxiYRqJn
— Aidos Ukibay (@Aidos_Ukibay) 20 يۋنيا 2019 گ.
پىكىر قالدىرۋ