2019 جىلعى 19 ماۋسىمنان باستاپ بارلىق اقىلى جولداردا ق ر ينۆەستيسيالار جانە دامۋ ءمينيسترىنىڭ 24.12.18 ج. №902،903،904 بۇيرىعىنا، يندۋستريا جانە ينفراقۇرىلىمدىق دامۋ ءمينيسترىنىڭ 27.05.2019 ج. №331 بۇيرىعىنا سايكەس، تولەم قابىلداۋ پۋنكتتەرىندە وتكىزۋ قابىلەتىن ارتتىرۋ، كولىك قۇرالدارىنىڭ كەپتەلىسىن بولدىرماۋ، كولىكتەردىڭ جەدەل ءجۇرۋىن قامتاماسىز ەتۋ جانە ۋاقىتتى ۇنەمدەۋ ماقساتىندا جول ءجۇرۋ اقىسىنا ديففەرەنسيالدى تاريف ەنگىزىلەدى.

ەسكە سالايىق: ەندى جەڭىل اۆتوموبيلدەر ءۇشىن جولاقىسىن قولما-قول تولەۋ 2 ەسە قىمبات بولادى. ال، تولەم جاساۋدىڭ تومەندەگى تۇرلەرىن تاڭداپ، الدىن-الا اقشانى سالىپ قويساڭىز ديففەرەنسيالدى تاريفتە كورسەتىلگەن سومانىڭ جارتىسىن عانا تولەيسىز. جۇك كولىك قۇرالدارى ءۇشىن تولەم ستاۆكالارى وزگەرىسسىز قالادى.

اقىلى جول ۋچاسكەلەرىنىڭ باعاسى:

• نۇر-سۇلتان- ششۋچينسك (ءبىر باعىتتا: قولما-قول تولەۋ – 400 تەڭگە، الدىن الا «ونلاين» تولەۋ – 200 تەڭگە)

• نۇر-سۇلتان-تەمىرتاۋ (ءبىر باعىتتا: قولما-قول تولەۋ – 400 تەڭگە، الدىن الا «ونلاين» تولەۋ – 200 تەڭگە)

• الماتى – قاپشاعاي (ءبىر باعىتتا: قولما-قول تولەۋ – 200 تەڭگە، الدىن الا «ونلاين» تولەۋ – 100 تەڭگە)

• الماتى-قورعاس (ءبىر باعىتتا: قولما-قول تولەۋ – 600 تەڭگە، الدىن الا «ونلاين» تولەۋ – 300 تەڭگە)

تولەم جاساۋدىڭ تۇرلەرى:

• Payway.kz

• ينتەرنەت-بانكينگ: Kaspi bank، Halyk bank، سبەربانك، Eurasian Bank، Capital Bank، اتف بانك

• تەرمينالدار: QIWI، كاسسا 24، CyberPlat، Tenge، Payway.kz

• كاسسا 24 ەلەكتروندىق ءاميانى، QIWI، Wooppay، Salempay

• تەلەفون تەڭگەرىمىنەن (Beeline *505#؛ Beeline، Activ، Kcell SMS 5505 فورماتىنداعى «جول اقى» «جول ءجۇرۋ» «كولىكتىڭ مەملەكەتتىك ءنومىرى»)

• كazdriver قوسىمشاسى

• زاڭدى تۇلعالارمەن شارت جاساتۋ