قازاقستاندا izi ساۋدا ماركاسىمەن جاڭا ءموبيلدى وپەراتور جۇمىس ىستەي باستادى دەپ حابارلايدى Qamshy.kz اقپارات اگەنتتىگى Zakon.kz-كە سىلتەمە جاساپ.
وپەراتوردىڭ سايتىنداعى اقپاراتقا ساي، وپەراتور ازىرگە بەتا-تەستىلەۋ رەجيمىندە جۇمىس ىستەۋدە. كليەنتتەر iziء-دىڭ SIM-كارتاسىن تەك جەتكىزۋ قىزمەتى ارقىلى عانا الا الادى، كۋرەرلىك قىزمەت ازىرگە تەك الماتى قالاسىندا جۇمىس ىستەيدى ەكەن.
"izi-دە ءقازىردىڭ وزىندە كليەنتتەردىڭ 99% پايدالاناتىن باستى قىزمەتتەر بار. ءبىراق قىزمەتتەر ءتىزىمى كوبەيە تۇسۋدە"، - دەلىنەدى وپەراتوردىڭ سايتىندا.
iziء-دىڭ ينتەرنەت، قوڭىراۋ مەن SMS پاكەتتەرىن بولەك ساتىپ الۋعا بولادى، پاكەتتەرىنىڭ ەرەكشەلىگى – شەكتەۋ مەرزىمى جوق. izi ابونەنتتەرىنىڭ نومىرلەرى +7 706 دەپ باستالادى.
پىكىر قالدىرۋ