جاستار جىلىندا قمدب وسكەمەن ايماعى وكىلدىگىنىڭ ۇيىمداستىرۋىمەن ءوتىپ جاتقان «دالا سەمينارى» جوباسىنا قاتىسۋشىلار ءتور التايداعى ەجەلگى تۇركى قاعاناتىنىڭ ورتالىعى بولعان ايگىلى بەرەل قورعانىنا بارىپ قايتتى. بۇل تۋرالى Qamshy.kz اقپارات اگەنتتىگى شىعىس قازاقستان وبلىستىق «حاليفا التاي» مەشىتىنىڭ باسپا ءسوز قىزمەتىنە سىلتەمە جاساپ حابارلايدى.

ەلىمىزدىڭ بارلىق ايماعىنان كەلگەن جاستار بەرەلدەگى اشىق اسپان استىنداعى مۇراجايدى كورىپ، ەجەلگى تۇركى مادەنيەتىنىڭ جاۋھارىمەن تانىستى. «العان اسەرىمىز ەرەكشە. ايگىلى بەرەل قورعانىن كوزبەن كورۋدىڭ ءوزى ايىرىقشا اسەرلى ەكەن. مۇندا ءبىزدىڭ قانشاما عاسىرلىق تاريحىمىز جاتىر. بۇل ساپار ءبىزدىڭ تاريحي تۇسىنىگىمىزدى كەڭەيتە ءتۇستى» دەيدى، جوباعا قاتىسۋشى جاستار.

قاتىسۋشىلار سونىمەن قاتار «راحمان قاينارى» اراسانىندا بولىپ، اسەم التايدىڭ كورىكتى تابيعاتىمەن تاڭداي قاقتى.

«وسى جوبا ارقىلى شىعىس قازاقستاننىڭ اسەم تابيعاتىن ناسيحاتتاپ، ەل مەن ەر تاريحىن تەرەڭ زەردەلەپ، تۋريستىك باعىتتى دامىتۋعا دا نازار اۋدارىلدى» دەيدى شارانى ۇيىمداستىرۋشىلار.