الماتى وبلىسىندا جول قوزعالىسى قاۋىپسىزدىگىن ناسيحاتتاۋعا ارنالعان ارنايى اكسيا باستاۋ الدى. يگى شارانى «قازاۆتوجول» ۇك» اق الماتى وبلىستىق فيليالى، «كازاحاۆتودور» ج ش س الماتى وبلىستىق فيليالى جانە الماتى وبلىسىنىڭ پوليسيا دەپارتامەنتى ۇيىمداستىردى. 
ءىس-شارا بارىسىندا ۇيىمداستىرۋشىلار رەسپۋبليكالىق ماڭىزى بار «الماتى-بىشكەك» اۆتوجولىنىڭ بويىندا جىلدامدىقتى شەكتەۋ بەلگىلەرىن قويىپ، ارنايى پلاكاتتار ازىرلەپ جۇرگىزۋشىلەردى جول ەرەجەسىن بۇزباۋعا، جىلدامدىقتى اسىرماۋعا شاقىردى. سونداي-اق، جۇرگىزۋشىلەرگە جول ءجۇرۋ ەرەجەلەرى جازىلعان اقپاراتتىق تاراتپا قاعازدار بەرىلدى.
اكسيانىڭ باستى ماقساتى – جىلدامدىقتى شامادان تىس اسىرۋ جانە جول ەرەجەسىن ساقتاماۋ سالدارىنان جول-كولىك وقيعالارى جيىلەپ قارا جولدىڭ بويىندا قازا تاپقاندار سانىنىڭ ارتقانىنا حالىقتىڭ نازارىن اۋدارۋ، جۇرگىزۋشى مادەنيەتىن ارتتىرۋ. 
انىقتاما ءۇشىن: 2018 جىلى «الماتى-بىشكەك» اۆتوجولىندا 171 جول-كولىكتىك اپاتى تىركەلگەن. اپاتتا 49 ادام قازا تاۋىپ، 280 ادام جاراقات العان.
زەرتتەۋ بويىنشا جول-كولىك وقيعالارىنىڭ تۇرلەرى:
- قاقتىعىسۋ؛
- اۋدارىلۋ؛
- جاياۋ جۇرگىنشىنى قاعىپ كەتۋ.
جول-كولىك اپاتىنىڭ نەگىزگى سەبەپتەرى:
- جىلدامدىقتى ارتتىرۋ؛
- قاراما-قارسى جولعا شىعۋ
- ارا قاشىقتىقتى ساقتاماۋ
اتالمىش اكسيا جول قوزعالىسىنىڭ قاۋىپسىزىدىگىن ناسيحاتتاۋعا ارنالعان ءداستۇرلى ناۋقان بولىپ تابىلادى.
شاراعا وبلىستىق جانە رەسپۋبليكالىق جولداردى ورتاشا جوندەۋ مەن قايتا جاڭارتۋ جۇمىستارىن جۇرگىزەتىن «رسۋ-1» ج ش س، «ت.م.م.بەرەكە» ج ش س، «الماتى جولدارى» ج ش س، «اتىراۋينجستروي» ج ش س، «جاندوس ي ك» ج ش س كومپانيالارى قولداۋ كورسەتتى. 
پىكىر قالدىرۋ