قازنەتتە ارىستاعى توتەنشە جاعدايلاردىڭ الدىن الۋعا قاتىسىپ، كۇنى بويى شارشاعان ءورت سوندىرۋشىلەردىڭ سۋرەتى پايدا بولدى دەپ حابارلايدى Qamshy.kz اقپارات اگەنتتىگى.
ول تۋرالى تۇركىستان وبلىسى اكىمىنىڭ كەڭەسشىسى ساكەن قالقامانوۆ فەيسبۋك الەۋمەتتىك جەلىسىندە جازدى.
ارىس قالاسىنداعى جارىلىس كەزىندە وقيعا ورنىنا 400-گە جۋىق ءورت ءسوندىرۋشى كەلگەن. ولار كۇنى بويى وتە قيىن جاعدايدا جۇمىس ىستەدى.
⠀
"ءورت سوندىرۋشىلەردىڭ الدىندا باسىمدى يەمىن. ولار كۇنى بويى ارىستا ءورت ءسوندىرىپ، قيراعان ۇيىندىلەردى قالپىنا كەلتىرىپ، تۇرعىنداردى ەۆاكۋاسيالادى. تۇندە ۇيىقتاۋ ءۇشىن ولارعا ءقاۋىپسىز ايماقتان ورىن دايىندالدى. ال ولار شتابتا، سپورتزالدىڭ ەدەنىندە ۇيىقتاپ قالدى. تاڭعا جۋىق اسكەري بولىمشەنىڭ اۋماعىنان باسقا بارلىق جەردەگى ءورت اۋىزدىقتالدى. ناعىز باتىرلار. وقيعا ورنىندا 400-گە جۋىق ءورت ءسوندىرۋشى بولدى"، - دەپ جازدى ساكەن قالقامانوۆ.
پىكىر قالدىرۋ