25-ماۋسىم ساعات 11:00 ۋاقىتىنا ساي اقپارات بويىنشا، اسكەري بولىمشەدە ءورت جالعاسۋدا(ءا/ب اۋماعى 2700 گا قۇرايدى، وندا 89 ءوق-دارى قويماسى ورنالاسقان، ساقتاۋ ورىندارىنىڭ اۋدانى 150 مىڭ شارشى مەتردەن استام.). ارىس قالاسىندا ورنالاسقان تۇرعىن ۇيلەردەگى ءورت ءسوندىرىلدى دەپ حابارلايدى Qamshy.kz اقپارات اگەنتتىگى. 

بۇل وبلىستىق اكىمدىك بريفينگتە ايتتى. 

توتەنشە جاعداي سالدارىن جويۋعا 363 ادام جانە 40 بىرلىك تەحنيكا جۇمىلدىرىلدى. ۇلتتىق ۇلاننىڭ 580 جاۋىنگەرى مەن 345 پوليسيا قىزمەتكەرى كۇزەتتى. ولار قاراقشىلىق فاكتىنىڭ الدىن الىپ، 3 جەرگىلىكتى تۇرعىندى ۇستادى. 7600 ءۇي تەرەزەدەن ايىرىلىپ، تۇرعىن ۇيلەردىڭ 80-85% زاقىمدانعان.  

قازىرگى تاڭدا، ارىستىق تەمىر جول ستانسياسىندا جان-جاققا باراتىن جولدار ۋاقىتشا جابىلدى. ۆوكزالدا قالىپ قويعان 2649 جولاۋشى ىستىق اس، سۋ قامتاماسىز ەتىلىپ، اكىمدىك ۇيىمداستىرعان كولىكتەرمەن ءقاۋىپسىز ايماققا جەتكىزىلدى. 17 جۇك پويىزدارى قاۋىپسىزدىككە ايماقتاعى ستانسيالاردا تۇر.  

ءقازىر اۋىلدار مەن اۋدان ورتالىقتاردا 22 ەۆاكۋاسيالىق پۋنكت اشىلدى. 3566 ادام زارداپ شەكتى. ونىڭ ىشىندە 623 بالا بار. 

سونىمەن قاتار، تۇركىستان وبلىسىنىڭ اكىمى ءومىرزاق شوكەيەۆ ارىس قالاسىندا جارىلماعان 10 سنارياد تابىلعانى تۋرالى حابارلادى.