اۋ، قىزىلاعاشتا كارىم اكامىز اپات ورنىن سامولەتپەن اينالىپ قانا شىعىپ قايتا استاناعا تارتىپ كەتپەپ پە ەدى، قىرىق ادام قىرىلىپ جاتقاندا دارا دا دانامىز، ەلدىڭ باسى، ۇلتتىڭ اتاسى ول جاققا اتتاپ باسپاپ ەدى عوي. جارايدى، "جۋاس جۇندەگەنگە جاقسى" دەلىك، اۋزى قىزىپ تۇرعانعا بيداي بولا تۇرسىن، سول ءۇشىن بيلىك قوي.

اناۋ، قويماداعى وتتان قىزىپ، بەرەكەتسىز ۇشىپ جاتقان وقتۇمسىقتاردان قورعالاعان ساربازعا وبال بولدى، اتا-اناسىمەن قوشتاسىپ ەدى، "قورقاق، قاتىن، اناۋ-مىناۋ، پىش-پىش". اسكەردە بولعان ازاماتتار مۇندايعا ىلەسپەسە كەرەك ەدى، سەبەبى، تالاي كەۋدەمسوقتىڭ كازارماعا كىرگەندە-اق زەڭبىرەكتىڭ سناريادى بىلاي تۇرىپ، "دەدتىڭ" قاباعىنان سىنىپ كەتەتىنىن جاقسى بىلەدى. كەيىن جالعىز ءوزى ءبىر روتا جاۋدى جايپاپ، ءبىر بوتولوندى ءبىر ءوزى بوكتەرگىدەي ءبۇرىپ تاستاعان باتىر بوپ ورالاتىن سولار. ال الگى ساربازدىكى تابيعي، ۇرەي مەن نامىس ارپالىسىپ، ءتىستى شىقىرلاتىپ بارىپ شىققان تامشى بولار، زۋلاعان وق، بومبا اراسىندا اتا-اناسىمەن باقۇلداسىپ وتىر. نە كۇلەرى بار، نە مىنەرى بار؟ تىنىشتىقتا ءوسىپ، قان كورمەگەن جىگىتتەر باقىرا قاشسا قايتەر ەدىك؟ سول ساربازدىڭ كوشەدە قالىپ قويعان ەكى تۇرعىنعا قالقان بوپ وتىرىپ، حالىقتى تاستاي قاشقان اسكەريلەرگە " فورمانى شەشىڭدەر، سەندەر وعان لايىق ەمەسسىڭدەر" - دەپ كۇيىنگەن ۆيدەوسى بارىن ەشكىم ەلەمەدى، بىزگە كەكەتىپ، كوسەمسىپ، تار شەكەدەگى شالا اقىلمەن ءبولىسىپ قالعانعا العاشقىسى جارايدى.

قانشاما ادامنىڭ بالاسىنان بولىنە قاشىپ جاتقانىنان-اق ۇرەي دەگەننىڭ قانداي قۇدىرەت ەكەنىن بىلۋگە بولار. سول سارباز وق ءتيىپ شەيىت بولسا، نەمەسە، اپات باسىلعان سوڭ فبداعى قاھارمانداردىڭ كەكەسىنىن كورىپ اتىلىپ ولسە نە دەرمىز؟! پىش-پىشتىڭ كىسى ولتىرەرلىك كەسىرى بارىن ۇمىتپايىق. اسكەردە بولعان ازاماتتار بىلەدى، ارتقويمانىڭ ماڭىندا مىندەتتى تۇردە ينجەنەرلىك قويما دەگەن بولادى، وندا سەليترا، ديناميت، تروتيلل سەكىلدى قوپارىلىسقا كەرەك زاتتار توننالاپ ساقتالادى. ەگەر ارىستا ونداي قويما بولسا، وعان وت تيسە قالانىڭ ورنىندا ۇلكەن شۇڭقىر عانا قالار ەدى... ساقتادى قۇداي!

سەرىك ابىكەن ۇلىنىڭ فەيسبۋك پاراقشاسىنان facebook.com