اتىراۋ وبلىسى اكىمى نۇرلان نوعايەۆ يندەر اۋدانىنداعى «جاس وركەن» بالالار جازعى لاگەرىندە ءوتىپ جاتقان، «جاستار وتانعا» اتتى لاگەرىندەگى جاستارمەن كەزدەستى دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ. 

جاستار ساياساتى ماسەلەلەرى باسقارماسى مەن «جاستاردى قولداۋ ورتالىعى» قوعامدىق قورى ۇيىمداستىرىپ جاتقان "جاستار وتانعا" لاگەرى ەكىنشى مارتە وتكىزىلۋدە. جوسپار بويىنشا، بۇل لاگەر جىلىنا ءبىر رەت قانا وتكىزىلەدى. بۇل لاگەردە جاس مەملەكەتتىك قىزمەتكەرلەر، جاس مۇعالىمدەر،ونەر جانە سپورت سالاسىنداعى جاستار، سونداي-اق، ستۋدەنتتەر مەن تاعى باسقا ءار سالاداعى جاستار جينالعان. مۇنداعى باستى ماقسات جاستاردىڭ بويىنان جاڭا قازاقستاندىق جاستىڭ بەينەسىن قالىپتاستىرۋ. جاستارمەن كەزدەسۋدە ايماق باسشىسى جاستاردىڭ سۇراقتارىنا جاۋاپ بەرىپ،ومىردەگى جيناعان تاجىريبەسىمەن ءبولىستى. 

"ۇيىمداستىرىلىپ جاتقان بۇل لاگەر وتە ءتيىمدى شارا دەپ ەسەپتەيمىن. بۇگىنگى كۇنگە دەيىن جاستارمەن بىرلەسىپ، كوپتەگەن شارالار جۇزەگە اسىپ كەلەدى. وڭىرىمىزدە 159 مىڭ جاستار بار، سونىڭ ىشىندە 100 جاستار وسى لاگەرگە قاتىسىپ وتىر. جاستىق شاقتاعى ۋاقىتتارىڭىزدى ءتيىمدى پايدالانىپ، كوبىرەك كىتاپ وقىپ، شەت تىلدەرىن جەتىك مەڭگەرۋلەرىڭىز كەرەك. ميلارىڭىزدى جاتتىقتىرىپ، ونى كەرەكتى اقپارات پەن بىلىممەن جەتىلدىرۋلەرىڭىز قاجەت. جاستاردىڭ سالاۋاتتى ءومىر ۇستانۋىنا جانە ساپالى ءبىلىم الۋىنا مەملەكەت تاراپىنان كوپتەگەن جاعدايلار جاسالۋدا"، - دەيدى وبلىس باسشىسى نۇرلان نوعايەۆ.

لاگەردەگى جاستار تەك دەمالىپ قانا قويماي، كۇنى بويىنا سەمينار-ترەنينگتەردەن وتۋدە. ۇيىمداستىرۋشىلاردىڭ ايتۋىنشا، ترەنينگتەر ءبىر جاقتى ەمەس.فيزيكالىق تۇرعىدا،ينتەللەكتۋالدىق تۇرعىدا جانە كوماندالىق توپتىق جۇمىستارعا باعىتتالعان سەمينار-ترەنينگتەر.

"بيىل لاگەرگە جاستار تاراپىنان سۇرانىس كوپ بولدى. سەبەبى، الدىڭعى جىلى «جاستار وتانعا» لاگەرى جەلەزنوۆودسك قالاسىندا ءوتىپ، وبلىسىمىزداعى 80 جاستار قاتىسقان بولاتىن. بيىلعى لاگەرگە 100 جاستار قاتىسۋدا. ءار جىلدا 20 جاستان قوسىپ وتىرامىز دەگەن جوسپارىمىز بار. جاستار بۇل لاگەردە بەس كۇن بولادى"،- دەيدى اتىراۋ وبلىستىق جاستار ساياساتى ماسەلەلەرى باسقارماسىنىڭ باسشىسى روللان قۇسپان.