ارىستا جارىلىستان كەيىن ك ۇلى قالعان ۇيلەردىڭ ورنىنا جاڭادان باسپانا سالىناتىن بولادى دەپ حابارلايدى Qamshy.kz اقپارات اگەنتتىگى تۇركىستان وبلىسى اكىمدىگىنىڭ باسپا ءسوز قىزمەتىنىڭ دەرەكتەرىنە سۇيەنىپ.
ارىستاعى جارىلىستان تولىقتاي ورتەنگەن ۇيلەر سانى — 21. بۇل جەكە ۇيلەردە 28 وتباسى تۇرعان. قازىرگى تاڭدا ءۇي يەلەرى ۋاقىتشا ورىنعا جايعاستى.
جالپى ارىس قالاسىندا 7700-دەن استام ءۇي بار. ولاردىڭ كوبىنىڭ شاتىرى، ەسىك-تەرەزەلەرى جارىلىستان زارداپ شەككەن.
ايتا كەتەيىك، ارىستىقتارعا قۇرىلىس-جوندەۋ جۇمىستارىنا كومەك بەرۋ ءۇشىن ەلىمىزدىڭ 16 وبلىسىنان جانە نۇر-سۇلتان قالاسىنان 170 ارنايى بريگادا كەلەدى. ءار وبلىس قالادا بولىنگەن سەكتورلار بويىنشا جۇمىس اۋقىمىن ءبولىپ الىپ، ەرتەڭنەن باستاپ جوندەۋ جۇمىستارىنا كىرىسەدى. قۇرىلىس جۇمىستارى 1 ايدىڭ ىشىندە تولىق بىتەدى.
پىكىر قالدىرۋ