جوعارى سوت ءتوراعاسى جاقىپ اسانوۆ كەشە ارىپتەستەرىنە ۇندەۋ جاريالادى دەپ جازادى Qamshy.kz اقپارات اگەنتتىگى.

"قۇرمەتتى ارىپتەستەر!

بىلتىر ەلباسىنىڭ باستاماسىمەن ۇلت جوسپارى شەڭبەرىندە ەۋرازيا كەڭىستىگىندە ەكى ورگان قۇرىلدى:

• مفسا سوتى
• حالىقارالىق اربيتراج ورتالىعى («ماس»).

مفسا سوتى ازاماتتىق جانە كوممەرسيالىق داۋلار بويىنشا اعىلشىندىق جالپى قۇقىقتىڭ پرينسيپتەرىنە سۇيەنەدى. ونىڭ پروسەسسۋالدىق نورمالارى وزىق حالىقارالىق تاجىريبەگە نەگىزدەلگەن.

ماس تاراپتارعا ەرەجەلەردى، راسىمدەردى، ءتىل مەن اربيترلەردى، سونىڭ ىشىندە ماس-تىڭ قۇرامىنا ۇسىنىلعان اربيترلەردى تاڭداۋ ماسەلەسىندە بارىنشا يكەمدى.

بۇل ورگانداردىڭ ارتىقشىلىعى نەدە؟

بىرىنشىدەن، ءبىزدىڭ جانە شەتەلدىك كاسىپكەرلەر جوعارى ستاندارتتار بويىنشا جۇمىس ىستەيتىن 9 بەدەلدى سۋدياعا جانە ۇلكەن ابىرويعا يە حالىقارالىق اربيترلارعا جۇگىنە الادى.

ياعني، تاراپتار مفسا جانە ماس يۋريسديكسياسىن پايدالانۋ جونىندە جازباشا كەلىسىمگە كەلسە، بۇل ورگاندار قىلمىستىق جانە اكىمشىلىك ىستەردەن بولەك كەز-كەلگەن شارۋاشىلىق داۋدى قاراي الادى.

ەكىنشىدەن، مفسا سوتى «eJustice» دەپ اتالاتىن وتىنىشتەردى قابىلداۋ جۇيەسى مەن شاعىن داۋلاردى ($150 000 دەيىن) جەدەلدەتىلگەن تارتىپپەن قاراۋدىڭ ءراسىمىن ەنگىزدى. داۋلار تەك ءتيىمدى ەمەس، سونىمەن بىرگە تەز قارالادى. بۇكىل پروسەستى ونلاين كورۋگە بولادى.

ۇشىنشىدەن، 2021 جىلدىڭ سوڭىنا دەيىن مفسا سوتى مەن ماس ەشقانداي باج المايدى. ياعني، ىستەر ساپالى جانە تەز عانا ەمەس، سونىمەن قاتار تەگىن قارالادى.

مفسا سوتى تاۋەلسىز جانە وتاندىق سوت جۇيەسىنەن الشاق. سولاي بولسا دا ارامىزدا ءبىز ونىڭ ءتيىمدى جۇمىسىنا مۇددەلىمىز، سەبەبى بۇل ەكونوميكامىزدىڭ ينۆەستيسيالىق تارتىمدىلىعىنا اسەر ەتەدى.

ا.ج. 25 ساۋىرىندە مفسا سوتى العاشقى ءىسىن قارادى. قاۋلىسى قوسا تىركەلىپ وتىر. وسىعان دەيىن ەش جەردە جاريا ەتىلگەن ەمەس. قاۋلىنى ۇلكەن قىزىعۋشىلىقپەن وقىپ، وي بولىسەسىزدەر دەگەن ويدامىن.

ءبىز مفسا سوتى مەن ماس-قا اعىلشىندىق جالپى قۇقىق شەڭبەرىندە شەشىلەتىن ىستەر بارىنشا كوپ بەرىلگەنىن قالايمىز.

سينگاپۋر، گونكونگ، ني-يورك، لوندوننىڭ قارجى ورتالىقتارىنىڭ مودەلى اعىلشىندىق جالپى قۇقىقتىڭ ناتيجەلى جۇمىسىنىڭ جاقسى مىسالى. بۇكىل الەمدەگى سوت قاۋىمى سولارعا قاراپ بوي تۇزەيدى. ولاردىڭ جۇمىسى ءبىزدىڭ سۋديالارعا دا جاقسى ۇلگى بولار ەدى.

بارلىق سۋديالاردى مفسا سوتى مەن ماس-قا جۇگىنۋ قۇقىعىن تۇسىندىرۋگە شاقىرامىن. ولاردىڭ ارتىقشىلىعىن ءىستى دايىنداۋدىڭ العاشقى كەزەڭىندە-اق بيزنەس وكىلدەرىنە جەتكىزگەن ءجون. بۇل حالىقارالىق كومپانيالارمەن داۋى بار تاراپتار ءۇشىن ەرەكشە ماڭىزدى.

تاراپتار ارىزىن قازاقستاننىڭ جەرگىلىكتى سوتىنا بەرىپ قويسا دا مفسا مەن ماس-قا قارالۋعا بولادى. ول ءۇشىن اراسىندا كەلىسىم بولسا جەتكىلىكتى.

بۇل شارالار ەلىمىزدە ينۆەستورلار مەن كاسىپكەرلىكتىڭ دامۋى ءۇشىن قولايلى قۇقىقتىق جاعداي تۋعىزارى ءسوزسىز.

قۇرمەتپەن،                                                

ج. اسانوۆ"،- دەلىنگەن ۇندەۋدە.