كەزدەسۋدە تاراپتار 29 ماۋسىم كۇنى "تەڭىز" كەن ورنىندا بولعان تۇرمىستىق كيكىلجىڭدى تالقىلادى دەپ حابارلايدى Qamshy.kz اقپارات اگەنتتىگى اتىراۋ وبلىسى اكىمىنىڭ باسپا ءسوز قىزمەتى.
كەشە، 2-شىلدە كۇنى اتىراۋ وبلىسىنىڭ اكىمى نۇرلان نوعايەۆ "Chevron" كومپانياسىنىڭ ەۋروپا، ەۋرازيا، تاياۋ شىعىستاعى بارلاۋ مەن ءوندىرۋ جونىندەگى پرەزيدەنتى تودد ليەۆيمەن كەزدەستى.
نۇرلان نوعايەۆ ءقازىر جاعداي رەتتەلگەنىن، تەڭىز جوباسىنداعى جۇمىسشىلاردىڭ ومىرلەرى مەن دەنساۋلىقتارىنا ءقاۋىپ جوق ەكەنىن ايتتى.
تودد ليەۆي ءوز كەزەگىندە "Chevron" كومپانياسىنىڭ ساياساتى بويىنشا كومپانيانىڭ بارلىق قىزمەتكەرىنە تەڭ دارەجەدە قۇرمەت كورسەتىلەتىنىن، قۇقىقتارى مەن مىندەتتەرى بىردەي ەكەنىن اتاپ ءوتتى.
"وسىنداي وقيعانىڭ ەندى قايتالانباۋى ءۇشىن تەڭىز جوباسىنا تارتىلعان بارلىق مەردىگەر مەكەمەلەر اراسىندا ءتۇسىندىرۋ جۇمىستارىن جۇرگىزەمىز. جەرگىلىكتى اتقارۋشى ورگاندارعا، قۇقىق قورعاۋ ورگاندارىنا جاعدايدى تەز رەتتەۋگە اتسالىسقاندارى ءۇشىن ريزاشىلىق بىلدىرەمىن. العا قاراي دا ءوزارا بايلانىسىمىزدى تابىستى جالعاستىرا بەرەتىنىمىزگە سەنەمىز"،- دەدى تودد ليەۆي.
پىكىر قالدىرۋ