ول دوسىنا جىبەرگەن ۆيدەوۇندەۋىندە اباقتى قىزمەتكەرلەرىنىڭ زورلىعىنا شىداماي، قولىنىڭ قان تامىرىن كەسىپ، ىشىنە پىشاق سالعانىن ايتقان.
"شەرزود الدەكىمدەرمەن توبەلەسىپ، بۇزاقىلىق ءۇشىن ايىپتالىپ، 277-باپپەن سوتتالىپ كەتكەن. جۇما كۇنى اباقتى قىزمەتكەرلەرى ونى قاتتى ساباپ، ءوز ومىرىنە قول سالۋعا دەيىن جەتكىزگەن. ول قولىنىڭ قان تامىرىن كەسىپ، ءىشىن ءتىلدى"، - دەيدى ۋسمانوۆتىڭ دوسى.
ولكەنىڭ جازانى اتقارۋ قىزمەتىنىڭ وكىلى ۆيدەودا ايتىلعان دايەكتەر راستالسا، سوتتالعانداردى قيناعان قىزمەتكەرلەر جۇمىستان الىناتىنىن حابارلادى.
تاشكەنتتىك زاڭگەر وديلبەك راحيمبەردييەۆ اباقتى قىزمەتكەرلەرى "ادامدى ءوز جانىن قيۋعا دەيىن جەتكىزۋ" بابىمەن جاۋاپقا تارتىلۋ كەرەك دەپ ەسەپتەيدى.
قۇقىق قورعاۋشىلاردىڭ مالىمەتىنە قاراعاندا، وزبەكستاندا سوتتالعان ادامداردى ازاپتاعان قىزمەتكەرلەردىڭ دەنى جازادان قۇتىلىپ كەتەدى. كوبىندە ۇندەۋ جاساعان جابىرلەنۋشىلەردىڭ وزدەرىن جازىقتى ەتىپ قويادى دەيدى.
پىكىر قالدىرۋ