اكتەر، رەجيسسەر، تەاتر پەداگوگى، ونەرتانۋ عىلىمدارىنىڭ كانديداتى، پروفەسسور، ەلىمىزدىڭ حالىق ءارتىسى، قازاقستان مەملەكەتتىك سىيلىعىنىڭ لاۋرەاتى، جامبىل وبلىسىنىڭ قۇرمەتتى ازاماتى، "پاراسات" جانە "دوستىق" وردەندەرىنىڭ يەگەرى تۇڭعىشباي قادىر ۇلى جامانقۇلوۆ Youtube جەلىسىنەگى "ۋاقىت كورسەتەدى" اراسىنا سۇحبات بەردى دەپ جازادى Qamshy.kz اقپارات اگەنتتىگى.
ۋاقىت تاپشى زاماندا ۋاقىت تاۋىپ، "ۋاقىت كورسەتەدى" باعدارلاماسىنا سۇحبات بەرگەن تۇڭعىشباي مىرزا ءوزىنىڭ كينو الەمىنە ەسىكتىڭ جابىق ەكەنىن ايتتى. وزىنە قويىلعان سۇراققا اكتەر:
"جاسىقتىق، ونىڭ ارتى – پاسىقتىق. ادام بولعان سوڭ وزىمىزگە ءتان كەمشىلىكتەر بار. ءبىر ءمانىسى بولار دەگەن ۋاقىت كونبەيتىن دۇنيەگە قازاق ۇيرەنىپ قالعان. "باستان كەلسە – ولدىك، ارتتان كەلسە – كوندىك" دەگەن دە قازاقتىڭ ەڭ سوراقى ماقالى. مەن تۇگىلى ۇيدەگى جەڭگەڭ دە كينوعا تۇسپەيدى ءقازىر."،- دەدى.
ءار ءسوزىن ناقتىلاپ وتىرعان پەداگوگ ءوزىن باعالاماي جۇرگەندەرگە رەنجىمەيتىنىن ايتتى.
"مەن ولگەندە تاسىمدى سۇيمەسە دە ، "ويباي، وبال بولدى عوي" دەيدى دە، ارى قاراي ۇمىتىپ جۇرە بەرەدى. كەشەگى ءقادىرىمىزدى قاشىرىپ المايىق. باسىمىزعا تۇسكەندە عانا سولاي ەدى، دەپ ويلانامىز. وكىنىشتەن تۋىنداعان ساعىنىشتىڭ نە كەرەگى بار.
ماحامبەتتىڭ ايتاتىنى بار:
تىرلىگىمدە سىيلاسپاعان اعايىن،
مەن ولگەن سوڭ جىلاساڭ،
قۇم قۇيىلسىن كوزىڭە."
قاۋزالماي كەتكەن كەيبىر سۇراقتاردى جۇرگىزۋشى قايتادان جارىققا شىعارىپ، رەجيسسەردىڭ مەرەيتويى جايلى قويىلعان سۇراققا:
"مەنىڭ مەرەتويىم تويلانعان جوق دەسەم دە بولادى. قازىرگى پرەزيدەنت ق.توقايەۆ، سەناتور د.نازاربايەۆ، ب.ساپاربايەۆ ءوز تەلەگرامدارىن جىبەردى. تالاي باتىردى حالىققا تانىستىرعانىمدى ەسكەرىپ تويلاماسا، زورلاپ تويلاتا المايمىن. باسقارىپ وتىرعان باسشى جىگىتتەر، كولەڭكەسىنەن قورىقتى."،- دەپ جاۋاپ بەردى.
سۇحبات بارىسىندا ءبىراز نارسە ايتىلدى. ءسوز اراسىندا:
"قازىرگى تاڭداعى "اۆتوريتەت" دەگەن ۇعىم مۇلدەم باسقا. ءقازىر ۇلتتىڭ ءوزى، حالىقتىڭ ءوزى "اۆتوريتەت". 90-جىلدارداعى "اۆتوريتەت" ۇعىمى ءقازىر جوق"،- دەيدى اعامىز.
ءوزىنىڭ ابىرويىنا قاتىستى، ەل ىشىندە بولىپ جاتقان ماسەلە قاتىستى سۇراققا:
"مەن ءقازىر شارتتى تۇردە تۇرمەدەمىن. ماعان قىزىل جاعالى باۋىرلارىم:
"اعا، ادام كوپ جينالعان جەرگە بارماڭىزشى، تويعا كوپ بارا بەرمەڭىز. ءسىزدى "جاقسى كورەتىن" جاندارىڭىز بىزگە ءۋاج ايتادى"،- دەپ جالىنعانداي بولادى. مەن ونەرپاز اداممىن. ونەر - مەنىڭ ءومىرىم"
"قازىرگى ونەردە جۇرگەن قىزدارعا وتە قيىن. بۇرىنعىداي ەشكىم ونەردى باعالاپ جاتقان جوق. ول كەزدە عاشىق بولعان جىگىتتەر، سول قىزدى جار قىلىپ الاتىن. ءقازىر قىزدار قۇرباندىققا بارىپ جاتادى. ولار – تۇندىك قۇرباندار. جەتىستىككە جەتكەنى بار، جەتپەگەنى بار ىشىندە"،- دەيدى تۇڭعىشباي اعا.
ساقالدىلار مەن ورانعاندارعا نازىن بىلدىرگەن ەل اعاسى:
"ءبىراز ادام "پوپۋليزم" ءۇشىن ءجۇر"،- دەپ ايتتى.
سۇراقتارعا سالماقتى جاۋاپ بەرگەن تۇڭعىشباي جامانقۇلوۆ ءساتتى سۇحبات بولعانىن جاسىرمادى.
پىكىر قالدىرۋ