قازاقستاننىڭ اقپارات جانە قوعامدىق دامۋ مينيسترلىگىمەن ىنتىماقتاستىق اياسىندا ۆۆس ەلوردا كۇنىنە وراي شاعىن بەينە ماتەريال ءتۇسىردى، دەپ حابارلايدى Qamshy.kz اقپارات اگەنتتىگى.
"بۇگىن "كۇننىڭ شىعۋى" توپتاماسىنداعى "نۇر-سۇلتانداعى تاڭ شاپاعى" اتتى جاڭا جوبامىزدى ۇسىنعىم كەلەدى. بىزگە سەنىم ارتىپ، قازاقستاننىڭ ەلورداسىن ماڭىزدى تاريحي دامۋ كەزەڭىندەگى تاۋلىكتىڭ ەڭ ادەمى ءساتىن الەمگە ۇسىنۋعا مۇمكىنشىلىك بەرگەن تاپسىرىس بەرۋشىگە راحمەت ايتامىن. ۇزدىك كرەاتيۆتى شەشىمدەر ىزدەپ تۇنىمەن ۇيىقتاماعان رەجيسسەرگە راحمەت، قالانىڭ ءارتۇرلى نۇكتەسىنەن تاڭ اتۋىنىڭ ءار سەكۋندىن تاسپالاپ قالۋعا تىرىسىپ، تۇنىمەن تۇسىرىلىمگە دايىندالعاندارعا راحمەت، بريتاندىق DARS FILMS ستۋدياسىنىڭ تۇندە ۇيىقتاسا دا كەز كەلگەن ەرلىككە دايىن بولعان جانە كەي ۋاقىتتا ەرلىكتى جاساعان پوستپروداكشن، گرافيكا، جارىقتى ارلەۋشى، دىبىس رەجيسسەرى مەن جۇرگىزۋشىسى كومانداسىنا راحمەت. ەرتەڭ قازاقستان رەسپۋبليكاسىنىڭ مەملەكەتتىك مەيرامى — استانا كۇنى. مەيرامعا سىيلىق جاساۋ قالىپتى دۇنيە. مەن قازاقستانداعى سەرىكتەرىمىزدىڭ ارقاسىندا جۇزەگە اسىرا العان بەينە ماتەريالىمىز ادەمى بولىپ، قالا ءۇشىن ەستە قالارلىق سىي بولارلىعىنا ۇمىتتەنەمىن"، - دەلىنگەن تاراتىلعان اقپاراتتا.
پىكىر قالدىرۋ