تۇركىستان وبلىسىندا اسكەري بولىمگە جاقىن ماڭدا ءورت شىقتى دەپ حابارلايدى Qamshy.kz اقپارات اگەنتتىگى tengrinews.kz سايتىنا سىلتەمە جاساپ. بۇل تۋرالى ق ر ءىىم توتەنشە جاعدايلار كوميتەتىنىڭ باسپا ءسوز قىزمەتىندە حابارلاندى.
"6 شىلدەدە 21:02-دە ورتكە قارسى قىزمەتتىڭ كەزەكشى بولىمىنە تۇركىستان وبلىسى سارىاعاش اۋدانى سارىاعاش اۋىلىنان 120 شاقىرىم جەردە، №2020 اسكەري بولىمگە جاقىن ماڭدا قۋراعان ءشوپ ورتەنگەنى حابارلانعان"، - دەلىنگەن حابارلامادا.
ءورت 22:35-تە اۋىزدىقتالىپ، 22:57-دە تولىقتاي سوندىرىلگەن. "زارداپ شەككەندەر مەن قازا تاپقاندار جوق. ءورت اۋماعى - 3 گەكتار جەر. ءورت سوندىرۋگە تۇركىستان وبلىستىق تجد جەكە قۇرامىنىڭ 22 مامانى مەن 4 ارنايى تەحنيكا جۇمىلدىرىلعان"، - دەپ تۇيىندەدى ۆەدومستۆو وكىلدەرى.
پىكىر قالدىرۋ