6-شىلدە كۇنى الماتى جانە نۇر-سۇلتان قالالارىندا زاڭسىز شەرۋلەر ۇيىمداستىرىلىپ، 100-دەن استا ادام تۇتقىندالعان. ب ا ق وكىلدەرى باسپا ءسوز كونفەرەنسياسى بارىسىندا مينيستردەن قولشاتىر ۇستاعانداردىڭ نەگە ۇستالماعانىن سۇرادى. مينيستر جاۋاپ بەردى دەپ جازادى Qamshy.kz اقپارات اگەنتتىگى.
"ارىز جازىڭىزدار، ءبىز قارايمىز. ول كۇنى كوشەدە جاي عانا ءوتىپ بارا جاتقان، قىدىرىپ جۇرگەن ادامدار كوپ بولدى. ءبىز، باس پروكۋراتۋرا جاعداي تۋرالى الدىن الا ەسكەرتتىك. زاڭمەن رۇقسات بەرىلمەگەن ميتينگكە قاتىسۋ اكىمشىلىك قۇقىق بۇزۋشىلىققا جاتاتىنىن ايتتىق. تۇرعىنداردى قالانىڭ شىرقىن بۇزباۋعا، مەرەكەلىك كوڭىل-كۇيدى قۇرتپاۋعا شاقىردىق"، - دەدى ول.
ءمينيستردىڭ ايتۋىنشا، وسى ۋاقىتقا دەيىن ورىن العان ميتينگتەردە ادامداردى ارانداتىپ، ميتينگتى قارجىلاندىرعانى ءۇشىن 2 ادامنىڭ ۇستىنەن قىلمىستىق ءىس قوزعالعان.
پىكىر قالدىرۋ