پرەزيدەنت قاسىم-جومارت توقايەۆ اقىن اباي قۇانانبايەۆتىڭ 175 جىلدىعىنا وراي ۇلى اقىننىڭ ولەڭدەرىنەن ءۇزىندى وقۋ ەستافەتاسىن جالعاستىرىپ، "عىلىم تاپپاي ماقتانبا" ولەڭىن وقىدى دەپ حابارلايدى Qamshy.kz اقپارات اگەنتتىگى.
پرەزيدەنت ءوزىنىڭ ينستاگرام پاراقشاسىندا ابايدىڭ ولەڭىن وقىعان ۆيدەوسىن جاريالادى.
"ءقادىرلى اعايىن! كىشكەنتاي بالدىرعان قىزىمىز – ءلايلىم-شىراق ابايدىڭ ءجۇز جەتپىس بەس جىلدىعىنا وراي ۇلى اقىننىڭ ولەڭدەرىنەن ءۇزىندى وقۋ ەستافەتاسىن ماعان جولداعان ەكەن. مەن بۇل باستامانى زور قۋانىشپەن قابىلدادىم. حاكىم ابايدىڭ ەسىمى ءارقاشان قازاق حالقىمەن قاتار ايتىلادى. ءبىز ابايدى ۇلىقتاۋ ارقىلى جاس ۇرپاقتىڭ بويىنا ۇلتتىق رۋح دارىتامىز. اباي ارقىلى ەلىمىزدى الەمگە پاش ەتەمىز. بيىل وتىزىنشى مامىردا دانىشپان ابايدىڭ ءجۇز جەتپىس بەس جىلدىعىن رەسپۋبليكالىق دەڭگەيدە اتاپ ءوتۋ جونىندە ارنايى جارلىققا قول قويدىم. اباي مۇراسى – ءبىزدىڭ قاستەرلى قازىنامىز! اباي ولەڭدەرىن وقۋ ەستافەتاسىن ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولدايمىن"، - دەپ جازدى ينستاگرام پاراقشاسىندا.
پىكىر قالدىرۋ