9 جاستاعى مەكتەپ وقۋشىسى قازاقتىڭ ۇلى اقىنى اباي ولەڭدەرىنەن ءۇزىندى وقىپ، بۇل ەستافەتانى جالعاستىرۋدى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆقا جولداعان بولاتىن دەپ حابارلايدى Qamshy.kz اقپارات اگەنتتىگى.
پرەزيدەنتكە ەستافەتا جولداعان قىزدىڭ ەسىمى ءلايلىم-شىراق رىسقالي. ول "balapan" تەلەارناسىنىڭ جۇرگىزۋشىسى.
"ءدال ءقازىر مەن اكە رەتىندە ەرەكشە تولقىپ، شاتتانىپ وتىرمىن. سەبەبى، وسىدان ءبىراز ۋاقىت بۇرىن ءلايلىم قىزىم، شىنار شاكەن باستاعان اباي اتامىزدىڭ 175 جىلدىعىنا وراي اقىن ولەڭدەرىن وقۋ ەستافەتاسىن پرەزيدەنتىمىز قاسىمجومارت كەمەلۇلىنا، اقپارات ءمينيسترى داۋرەن ابايەۆقا جانە ءانشى ساكەن مايعازييەۆ اعالارىنا جولداعان ەدى. مەن قىزىمنىڭ بۇل ەستافەتاسىن اعالارىمىزدىڭ اتتارىن بەلگىلەپ جەلىدەگى پاراقشاما سالعانمىن. ەندى مىنە، ەستافەتانى العاشقى بولىپ پرەزيدەنتىمىز جالعادى. وسى باستامانى قولداپ، بالانىڭ كوڭىلىن جىقپاي، ەستافەتانى قابىل الىپ جالعاعان پرەزيدەنت قاسىمجومارت كەمەلۇلىنا كوپ-كوپ العىس ايتامىن.راس، پرەزيدەنتىمىزدىڭ ەستافەتانى قابىل الىپ جالعاستىرۋى كۇتپەگەن توسىن سىي بولدى. ەندى بۇل ماڭگىگە جانۇيامىزدىڭ تاريxىندا ەرەكشە جىلىلىق پەن شاتتىق سىيلاعان ءسات بولىپ قالارى ءسوزسىز! ءارى ابايداي كەمەڭگەر بابابىمىزدىڭ شىعارماشىلىعىن ەرەكشە قادىرلەيتىن ادەبيەت پەن ونەر سۇيەر قاۋىمنىڭ دا كوڭىلىن سەرپىلتكەن دۇنيە بولدى"، - دەپ جازدى ءلايلىمنىڭ اكەسى ەرلان رىسقالي ءوزىنىڭ فەيسبۋك پاراقشاسىندا.
پىكىر قالدىرۋ