پاريج قالاسىندا 43 جاستاعى حاسسا بينت سالمان ال ساۋد پەن ونىڭ كۇزەتشىسىنىڭ ۇستىنەن قوزعالعان ءىس بويىنشا سوت ءوتتى. سوت ساۋد حانشايىمى مەن ونىڭ كۇزەتشىسىنە قارۋ قولدانۋ ارقىلى قاتارداعى جۇمىسشىعا ءزابىر كورسەتكەنى ءۇشىن جازا كەستى دەپ جازادى Qamshy.kz اقپارات اگەنتتىگى Al Jazeera  سايتىنا سىلتەمە جاساپ. 

2016 جىلى كۇزدە حانشايىم ءوزىنىڭ پاريج قالاسىنداعى پاتەرىندە وسى قىلمىسقا بارعان. ونىڭ كۇزەتشىسى تەحنيكالىق قىزمەتكەردى ۇرىپ، اياق-قولىن بايلايدى. جابىرلەنۋشىنىڭ ايتۋىنشا، وقيعادان بۇرىن ول جۋىناتىن بولمەنى جۇمىس ماقساتىمەن سۋرەتكە تۇسىرگەن. ال حانشايىم سۋرەتكە ءوزى ءتۇسىپ قالدىم، ال سانتەحنيك ونى ساتپاقشى دەپ ويلاعان. 

سوتقا تەك كۇزەتشى عانا قاتىستى. بينت سالمان ساۋد ارابياسىندا ءجۇر. ويتكەنى، 2017 جىلدىڭ قاراشاسىندا فرانسۋز سوتى ونى تۇتقىننان بوساتقان. 

سوت قورىتىندىسىندا پروكۋرور حانشايىمدى ءبىر جارىم جىل باس بوستاندىعىنان ايىرىپ، 5 مىڭ ەۋرو كولەمىندە ايىپپۇل سالۋدى سۇرادى. ال كۇزەتشى وزىنە تاعىلعان ايىپتى مويىنداۋدان باس تارتتى.