مەملەكەت باسشىسى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعالييەۆتى قابىلدادى دەپ جازادى Qamshy.kz اقپارات اگەنتتىگى اقوردا سايتىنا سىلتەمە جاساپ.
مەملەكەت باسشىسى قاتتى تۇرمىستىق قالدىقتارعا قاتىستى ماسەلەلەردى شەشۋ، سونىڭ ىشىندە سىناق الاڭدارىن ەكولوگيالىق جانە سانيتارلىق تالاپتارعا سايكەستەندىرۋ، سونداي-اق، قاتتى تۇرمىستىق قالدىقتاردى شىعارۋ جانە قايتا وڭدەۋ سالاسىنىڭ ينۆەستيسيالىق تارتىمدىلىعىن كۇشەيتۋ قاجەتتىگىن ايتتى.
قاسىم-جومارت توقايەۆ سۋ جانە وسىمدىك الەمىن قورعاۋ، براكونەرلىكپەن جانە ورماندى زاڭسىز وتاۋمەن كۇرەس جۇرگىزۋ ماسەلەلەرى ايرىقشا باقىلاۋدا بولۋى ءتيىس ەكەنىنە توقتالدى.
سونىمەن قاتار، قازاقستان پرەزيدەنتى حالىقتىڭ ەكولوگيالىق مادەنيەتتىلىگىن ارتتىرۋعا جانە قورشاعان ورتانى قورعاۋ جۇمىستارىنا ەرىكتىلەردى تارتۋعا شاقىردى.
پىكىر قالدىرۋ