قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى بۇرىن وبلىستىڭ اۋىل شارۋاشىلىعى باسقارماسىنىڭ باسشىسى بولعان س. بەكيشوۆقا قاتىستى مەردىگەرلىك ۇيىمنىڭ باسشىسىنان پارا الۋ دەرەگى بويىنشا قىلمىستىق ءىستى اياقتادى دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساپ.
سوت وبلىستىق ءماسليحات دەپۋتاتى ب. ارتەموۆتىڭ، سونداي-اق "ۋمر-3" ءجشس-نىڭ باسشىسى قىزمەتىن قوسا اتقارۋشى رەتىندە ۇلى ا. ارتەموۆپەن بىرگە تالعار سۋ تورابىن كۇردەلى جوندەۋ بويىنشا ورىندالعان جۇمىستار اكتىسىنە كەدەرگىسىز قول قويعانى ءۇشىن س. بەكىشيەۆكە 5 550 000 تەڭگە پارا بەرگەنى انىقتالدى.
2019 جىلى 10 شىلدەدە تالدىقورعان قالالىق سوتىنىڭ ۇكىمىمەن س. بەكيشوۆ پارا العانى ءۇشىن سوتتالدى. ال ب. ارتەموۆ پەن ا. ارتەموۆ ءارقايسىسىنا 55،5 ميلليون تەڭگە كولەمىندە پارا بەرگەنى ءۇشىن سوت ايىپپۇل تولەۋ مەرزىمىن بەلگىلەپ، ايىپپۇل تولەنبەگەن جاعدايدا جازا باس بوستاندىعىنان ايىرۋعا اۋىستىرىلاتىنىن ءتۇسىندىردى. سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى.
پىكىر قالدىرۋ