Forbes جۋرنالى 2019 جىلى ەڭ كوپ قارجى تولەنگەن سپورتشىلاردىڭ ءتىزىمىن جاريالادى دەپ حابارلايدى Qamshy.kz اقپارات اگەنتتىگى tengrinews.kz سايتىنا سىلتەمە جاساپ.
تىزىمگە قازاقستاندىق تانىمال بوكسشى گەنناديي گولوۆكين ەنگەن. GGGء-دىڭ بيىل تاپقان جالپى تابىسى 25،5 ملن دوللاردان اسىپ ۇلگەردى. ونىڭ 23،5 ميلليون دوللارى - روللسپەن ايقاسى ءۇشىن گونورار، ال 2 ميلليون دوللار - دەمەۋشىلىك كەلىسىمشارتتاردان تۇسكەن.
Forbes رەيتينگىندە گولوۆكين 95-ورىنعا تۇراقتاعان جانە پوستكەڭەستىك ەلدەر اراسىندا تىزىمگە ەنگەن جالعىز سپورتشى اتاندى.
ەسكە سالا كەتسەك، كانادالىق بوكسشى ستيۆ روللسپەن كەزدەسۋ گولوۆكين ءۇشىن Dazn الاڭىنداعى العاشقى ايقاس بولدى. Dazn-مەن كەلىسىمشارت اياسىندا 100 ميلليون دوللارعا باعالانعان تاعى بەس كەزدەسۋ جوسپارلانىپ وتىر.
پىكىر قالدىرۋ