الماتىداعى الاتاۋ اۋدانى اكىمدىك عيماراتىنىڭ الدىندا كوپ بالالى انالار مەن الەۋمەتتىك كومەك الماعان ازاماتشالار جينالدى دەپ حابارلايدى Qamshy.kz اقپارات اگەنتتىگى.

اكىم شاحمەردەن رىسپايەۆتىڭ قابىلداۋىنا كەلگەن ازاماتشالار ونى ءوز ورنىنان تاپپادى. انالاردىڭ ايتۋىنشا، بۇكىل ايماقتار الەۋمەتتىك كومەكتى العان، تەك الاتاۋ اۋدانى شەتتە قالدى.

كوپ بالالى انالار اكىمنەن ارناۋلى الەۋمەتتىك كومەكتى ۋاقىتىلى ءتۇسىرىپ بەرسىن دەپ تالاپ قويۋدا.

سونىمەن قاتار، باسپانا پروبلەماسىمەن كەلگەن ادامدار دا بولدى.  ولار "نۇرلى جەر" باعدارلاماسىمەن سالىنعان سايالى-2 ىقشام اۋدانىنداعى ۇيلەرىن الا الماي وتىر. ولار 7-8 اي بۇرىن بەرىلگەن ۇيلەرىنىڭ كىلتىن تالاپ ەتتى.

كوپ بالالى انالارعا الاتاۋ اۋدانى اكىمىنىڭ ورىنباسارى سايات اعىبايەۆ شىقتى. ول اكىمنىڭ جينالىستان شىعىپ، اكىمدىككە بەتتەگەنى تۋرالى حابارلادى. اكىم 20-25 مينۋتتان كەيىن كەلىپ، جاردەماقى 2-3 كۇندە تۇسەتىنى تۋرالى ايتتى.